په کابل کې ځان وژونکی برید
د کابل امنیتي چارواکي وايي، چې نن سهار په کابل ښار کې د دفاع وزارت مخې ته په ځان وژونکي حمله کې نهه تنه ووژل شول او لس نور ټپیان شول. د کابل د امني قومندانۍ مرستیال جنرال داود امین ازادي راډيو ته وویل ؛وژل شوي کسان ټول ملکیان دي او په ټپیانو کې یوازې دوه د ملي اردو عسکرهم شامل دي: "کومه انتحاري حمله چې د دفاع وزارت دروازې مخې ته وشوه؛ په دې کې لس تنه زخمیان او ۹ تنه شهیدان دي، اکثره خلک یې ملیکان دي." وسله والو طالبانو د دې حملې مسوولیت پر غاړه اخیستی.