د لاسرسۍ وړ لېنکونه

تازه خبر
چهارشنبه ۱۲ سلواغه ۱۴۰۱ کابل ۰۴:۳۶

د سالنګ لویه لار وروسته له تړل کیدو بیا پرانیستل شوه


د سالنګ لویه لاره تر څلور ورځو تړل کیدو وروسته نن سهار د ترافیکو پر مخ پرانیستل شوه.

د سالنګ د لویې لارې د ساتنې او څارنې مسوول جنرال رجب آزادۍ راډیو ته وویل چې، په سالنګونو کې تر اوسه پنځوس ځایه واوره ښویدلې خو دوی وتوانیدل چې لاره بیرته پاک کړي.

په همدې حال کې د پروان چارواکي وایي هغه لسګونه مسافر یې ژغورلي چې په شیبر کوتل کې ترواورو لاندې شوي وو.

د پروان ولایت د شیخ علي ولسوال نوراغا سامع وویل، دوه موټر لاهم په شیبر کې ترواورو لاندې بند پاتې دي.

سامع وویل، دغو مسافرو د سالنګ د لویې لارې د بندیدو له امله غوښتل چې د شیبرد کوتل له لارې سفروکړي.


پخواني معلومات:

د پروان ولایت چارواکي وایي، چې هغه لسګونه مسافرین یې ژغورلي چې په شیبر کوتل کې تر برف کوچونو لاندې شوې و.

د پروان ولایت د شیخ علي ولسوال نوراغا سامع پرون ناوخته ازادی راډیو ته وویل، چې شاوخوا اتیا موټر تر برف کوچونو لاندې شوي و، چې مسافر یې د دوي د هڅو په نتیجه کې وژغورل شول. هغه وویل، دوه موټر تر اوسه تر واورو لاندې بند پاتې دي.

سامع وویل، دغو مسافرو د سالنګ د لویې لارې د بندیدو له وجې غوښتل، چې د شیبر د کوتل له لارې سفر وکړي.

د سالنګ لویه لاره له یوې اونۍ راهیسې د سختو واورو او برف کوچونو د خطر له امله بنده پاتې ده. ویل کیږي تر اوسه پورې په سالنګ کې څه باندې پنځوس برف کوچونه راغلي دي.

د پروان سیمه ییزو چارواکو له خلکو وغوښتل، چې تر هغو پورې دې د شیبر کوتل له لارې له سفر کولو ډډه وکړي ترڅو چې د برف کوچونو خطر لیرې شوی نه وي.
XS
SM
MD
LG