په عراق کې بمي حملو ګڼ کسان ووژل
د راپورونو له مخی د عراق د شمالی ښارکرکوک د پولیسو پرمرکزی دفترد ځان وژونکې حملی او د وسله والو د برید په ترڅ کې لسګونه کسان وژل شوی دی. د پولیسو چارواکو وویل چې په دغی حملی کې چې نن سهاروختی وشوه، لږترلږه دیرش تنه وژل شوی او شاوخوا اویا تنه نورټپیان دی. عینی شاهدانو وویل، حمله کونکو د پولیسو یونیفورم اغوستی و. ځان وژونکې خپل موټرد پولیسو د مرکزی دفتر د ودانۍ په خوله کې والوزاوه او لږترلږه دوتنو وسله والو ډزی پیل کړی او لاسی بمونه یی ګذارکړل. تراوسه هیچ چا ددغی حملی مسولیت په غاړه ندی اخیستی. دا کرکوک ته نژدی چې پکې عربان، کردان او ترکمنان په ګډه اوسی، په څو وروستیو اونیو دریمه لویه حمله ده.