“موږ هغه ټولې معملې چې دوی [ارین بانک] په د کال په ترڅ کې ترسره کړې وڅيړلې. دوي په ایران کې د یو شمیر مېشتو افغان سوداګرو د پيسو د انتقال لپاره کار کوي، ځينې نورې غټې او وړې معاملې هم لري خو داسې کومه فوق العاده معامله موږ نه ده لیدلې . دوی د پټرولو د تجارت سره په تړلو معاملو کې نه دي دخیل”
د افغانستان بانک ریس زیاته کړه چې په دې ارتباط يې له امریکايي چارواکو سره هم خبرې کړي، خو د سیاسي دلایلو په خاطر یې د دې بانک پر فعالیتونو بندیز نه دی لګولی .
ښاغلي دلاوري په ایران کې د لږترلږه درې ملیونه افغان کډوالو موجودیت ته اشاره وکړه .
ده وویل چې افغان حکومت د امریکا د بهرنیو چارو له وزارت سره خبرې کړي او یو شمېر سیاسي مسایلو ته په پام به پرېکړه کوي.
د امریکا د استازو جرګې د بهرنیواړیکو د کمیټې مشرې ویلي چې په عراق اوافغانستان کې د دوی د عسکرو قرباني او مالي مصارف باید په نظر کې ونیول شي .
دې ویلي چې د ایران د ګواښ په وړاندې د امریکا له حکومت سره د افغانستان او عراق همکاري ډېره مهمه ده .
د افغانستان بانک ریس وویل چې په دې برخه کې د نه همکارۍ پر عواقبو پوهېږي.
ښاغلي دلاوري زادي راډیوته وویل:
“افغانستان د اسیاپسفیک، او ایګومنت په څېر د یوشمېر سازمانونو د غړیتوب په خاطر ځینې مسوولیتونه لري. همدا راز د امریکا له دولت سره [ د امریکا سره موجود تړونونه]، نو هغه تحریمونه چې دوی پر ایران وضع کړي او موږ له هغوى سرغړونه وکړو ، ښايي افغانستان هم تر بندیزونو لاندې کړي”
نړیوال پر ایران تور لګوي چې د اتمی بم جوړولو هڅه کوي او له دې امله یې بندیزونه پرې لګولي دي خو د ایران حکومت دا تورونه ردوي.
