"د ایسا د ادارې د چارواکو د استعفا مسئله لویې څارنوالۍ ته راجع شوې"

د افغانستان د جمهور رئیس ویاند وايي، چې د ایسا یا د پانګونې د ملاتړ د ادارې د چارواکو د ډله یېزې استعفا مسئله لویې څارنوالۍ ته راجع شوې ده.

ایمل فیضي ازادۍ راډیو ته وویل، چې دغه پریکړه د وزیرانو شورا د تیرې ورځې په غونډه کې شوې.

د ایسا ادارې شاوخوا اوو چارواکو تیره اونۍ د دې ادارې رئیس په اداري فساد تورن کړ او خپلې استعفاوې یې اعلان کړې،خو د ایسا د ادارې رئیس له رسنیو سره په خبرو کې پر ده لګیدلي تورونه رد کړي دي.

په دې اړه پام وکړئ د جمهور رئیس له ویاند ښاغلي فیضي سره زموږ د همکار احمدزبیر ژمن مرکې ته: