د خیبر ترهګرۍ ځپلی توتي خبرې نه کوي
د خیبر ایجنسۍ په لواړګی بازار کې تیره میاشت په بمی چاودنه کې د میوو یو دوکاندار۴۰ کلن حجم خان هم وژل شوی وو، خو نوموړی چې په خپل دوکان کې له ځان سره یو توتي ساتلی و هغه پکې بچ پاتې شوی او د چاودنې په لیدو او د خپل مالک په مرګ ډیر خپه ښکاري. دغه توتي اوس خوراک څښاک نه کوي او نه هم له چا سره خبرې کوي. بس د چاودنې ځای ته ګوري او هغه ورځ ورته یادیږی چې هر طرف ته تور لوګي وو او خواره واره انسانان پر ځمکه پراته وو. دا ویډیو فرهاد شینواري له خیبره را استولې ده