د امریکا د بهرنیو چارو وزارت وايي، د پاکستان له لوري داسې مثبتې نښې څرګندیږي، چې غواړي د ناټو د اکمالاتو د لارو د بیا پرانیستل کېدو مذاکړې یوې نتیجې ته ورسیږي.
امریکايي لوري ویلي، چې پر یو شمېر تخنیکې مسایلو خبرې روانې دي.
د متحدو ایالاتو د بهرنیو چارو د وزارت ویاندې ویکتوریا نولاند پرون په واشنګټن کې خبریالانو ته وویل، چې مذاکرې دوام لري او مسله لا نه ده ختمه شوې، میرمن نولاند وویل:
"موږ پرمختګ کړی او سره نږدې شوي یو. د مذاکرې هیات په ځيني داسې مسایلو خبرې کوي، چې باید سر ته ورسیږي او ښايي دا وخت ته اړتیا لري."
ویکتوریا نولاند زیاته کړه چې، د شیکاګو د کنفرانس تر پيل مخکې د دې ستونزې حل به د پاکستان له لوري د افغانستان په برخه کې د ملاتړ ستر پيغام وي،دې وویل:
"موږ له پیل څخه دا خبره کړې ده، چې که چېرې دا موافقه د شیکاګو تر کنفرانس مخکې تر لاسه شوه، نو د افغانستان لپاره به د پاکستان د ملاتړ قوي پیغام وي.
دا به د ایساف له ماموریت څخه هم د پاکستان د ملاتړ څرګندولو ستر پيغام وي."
د پاکستان حکومت د تیر کال د ناټو په هوايي حمله کې د ۲۴ پاکستاني عسکرو تر وژل کېدو وروسته په اعتراض کې، د ناټو د اکمالاتو لارې بندې کړې.
امریکايي لوري ویلي، چې پر یو شمېر تخنیکې مسایلو خبرې روانې دي.
د متحدو ایالاتو د بهرنیو چارو د وزارت ویاندې ویکتوریا نولاند پرون په واشنګټن کې خبریالانو ته وویل، چې مذاکرې دوام لري او مسله لا نه ده ختمه شوې، میرمن نولاند وویل:
"موږ پرمختګ کړی او سره نږدې شوي یو. د مذاکرې هیات په ځيني داسې مسایلو خبرې کوي، چې باید سر ته ورسیږي او ښايي دا وخت ته اړتیا لري."
ویکتوریا نولاند زیاته کړه چې، د شیکاګو د کنفرانس تر پيل مخکې د دې ستونزې حل به د پاکستان له لوري د افغانستان په برخه کې د ملاتړ ستر پيغام وي،دې وویل:
"موږ له پیل څخه دا خبره کړې ده، چې که چېرې دا موافقه د شیکاګو تر کنفرانس مخکې تر لاسه شوه، نو د افغانستان لپاره به د پاکستان د ملاتړ قوي پیغام وي.
دا به د ایساف له ماموریت څخه هم د پاکستان د ملاتړ څرګندولو ستر پيغام وي."
د پاکستان حکومت د تیر کال د ناټو په هوايي حمله کې د ۲۴ پاکستاني عسکرو تر وژل کېدو وروسته په اعتراض کې، د ناټو د اکمالاتو لارې بندې کړې.