په پاکستان کې د هزاره ګانو د وژنو په اعتراض مظاهره
په سلګونو مظاهره چیانو د کابل په لویدیځ کې د دشت برچي په سیمه کې له یوه لنډ لاریون وروسته د مزاري په څلور لارې کې راټول شول. دوي د پاکستان په کوټه ښار کې وروستۍ وژنې په دې ښار کې د میشتو هزاره توکمو د نسل وژنه بلله. مظاهره چیانو خپل پریکړه لیک هم ولوست، چې په یوې برخه کې یې له پاکستانه د دغو وژنو د عاملینو د محاکمې غوښتنه کړې وه. دوي له ملګرو ملتونو هم وغوښتل، چې په پاکستان کې د هزاره وو وژنه دې د بشریت پرضد عمل او د نسل د وژنې په توګه وڅیړي.