د ″مخ ژغورنې″ په نامه فلم د اسکار جایزه وګټله
پاکستانۍ فلم جوړونکې ″شرمین عبید چینوي″ له امریکايي فلم جوړوونکي ″دانیال جانګ″ سره یو ځای د ″نجات چهره″ په نامه لنډ مستند فلم جوړ کړی، چې په هغې کې په پاکستان کې د ښځو پر مخ د تیزابو شیندلو مساله تصویر شوې ده. په دې فلم کې یو خاوند د خپلې مېرمنې پر مخ تیزاب شیندلي او غواړي چې د تل لپاره د هغې څېره بدرنګه کړي. شرمین عبید چینوي وايي، سیمنا یواځنۍ لار ده، چې کولای شو په مرسته یې په پاکستان کې د تیزاب شیندولو د حملو مخنیوی وکړای شو.