د افغانستان د ملي امنیت ریاست وایي، ښکاره اسناد په لاس کې لري چې دغو څلورو کسانو د افغانستان ځینې پټ اسناد د سیمې د ځینو هېوادونو له استخباراتو سره شریکول.
د ملي امنیت د ریاست ویاند لطف الله مشعل د دوشنبې په ورځ ازادۍ راډیو ته وویل، چې په نیول شوېو کسانو کې یو د بهرنیو چارو وزارت کارکوونکی او درې نور یې د نورو محلي ادارو کارکوونکي دي.
ښاغلي مشعل د نیول شویو کسانو د هویت په اړه معلومات ورنه کړل او دایې هم څرګنده نه کړه چې دغو کسانو څه ډول اسناد د سیمې هیوادونو له استخباراتو سره شریکول:
(د ملي امنیت ریاست ۴تنه افغانان چې یو يي د بهرنیو چارو په وزارت کې ټیټ رتبه مامور دی او درې نور يي په نورو اداراتو کې کار کوي د سیمي استخباراتو ته د جاسوسی په تور نیولي دي.)
خو په ملي امنیت کې یو بلې معتبرې سرچینې چې نه یې غوښتل نوم یې واخیستل شي ازادۍ راډیو ته وویل، چې نیول شوو کسانو د ایران او پاکستان استخباراتو ته د هېواد محرم اسناد ورکول.
د ملي امنیت ویاند وویل، چې له نیول شوېو کسانو څخه دا مهال څیړنې روانې دي.
په ورته وخت کې د بهرنیو چارو وزارت هم مني، چې د دوي یو ټیټ پوړی مامور د ملي امنیت ادارې د پوښتنو او ګرویږنو لپاره ورغوښتی دی.
د بهرنیو چارو وزارت د ویاند مرستیال ډاکتر فرامرز تمنا ازادۍ راډیو ته په دې اړه وویل:
(وګورﺉ بحث دومره پیچلی او لوی نه ده لکه په رسنیو کې چې راغلی. د بهرنیو چارو وزارت یو عادي کارکوونکی د ملي امنیت ادارې د پوښتنو او په دې برخه کې د غلط فهمۍ د لرې کولو لپاره ورغوښتی. موضوع همدومره ده.)
ښاغلي تمنا د نیول شوي کس د هویت په اړه معلومات ورنه کړل.
خو ځینې راپورونه وایي چې د بهرنیو چارو وزارت نیول شوی کس ټیټ پوړی مامورنه بلکه د دغه وزارت یو لوړپوړی کارکوونکی دی.
تراوسه معلومه نه ده چې درې نورو کسانو له کومو حکومتی ادارو سره کار کاوه.
کارپوهان وایي د سیمې هیوادونو استخباراتو ته د جاسوس په توګه د څلورو حکومتي کسانو نیول دا ښیي چې د افغانستان په ادارو کې د سیمې د هیوادونو په ځانګړې توګه د ایران او پاکستان جاسوسان نفوذ لري.
کارپوهان وایي که افغان حکومت دې ستونزې ته جدي پاملرنه ونه کړي په حکومتي ادارو کې به د سیمې هیوادونو د جاسوسانو نفوذ ورځ تربلې زیات او د افغانستان د اوسني نظام ریښې به له منځه یوسي.
راپور:اسدالله لودین کابل
د ملي امنیت د ریاست ویاند لطف الله مشعل د دوشنبې په ورځ ازادۍ راډیو ته وویل، چې په نیول شوېو کسانو کې یو د بهرنیو چارو وزارت کارکوونکی او درې نور یې د نورو محلي ادارو کارکوونکي دي.
ښاغلي مشعل د نیول شویو کسانو د هویت په اړه معلومات ورنه کړل او دایې هم څرګنده نه کړه چې دغو کسانو څه ډول اسناد د سیمې هیوادونو له استخباراتو سره شریکول:
(د ملي امنیت ریاست ۴تنه افغانان چې یو يي د بهرنیو چارو په وزارت کې ټیټ رتبه مامور دی او درې نور يي په نورو اداراتو کې کار کوي د سیمي استخباراتو ته د جاسوسی په تور نیولي دي.)
خو په ملي امنیت کې یو بلې معتبرې سرچینې چې نه یې غوښتل نوم یې واخیستل شي ازادۍ راډیو ته وویل، چې نیول شوو کسانو د ایران او پاکستان استخباراتو ته د هېواد محرم اسناد ورکول.
د ملي امنیت ویاند وویل، چې له نیول شوېو کسانو څخه دا مهال څیړنې روانې دي.
په ورته وخت کې د بهرنیو چارو وزارت هم مني، چې د دوي یو ټیټ پوړی مامور د ملي امنیت ادارې د پوښتنو او ګرویږنو لپاره ورغوښتی دی.
د بهرنیو چارو وزارت د ویاند مرستیال ډاکتر فرامرز تمنا ازادۍ راډیو ته په دې اړه وویل:
(وګورﺉ بحث دومره پیچلی او لوی نه ده لکه په رسنیو کې چې راغلی. د بهرنیو چارو وزارت یو عادي کارکوونکی د ملي امنیت ادارې د پوښتنو او په دې برخه کې د غلط فهمۍ د لرې کولو لپاره ورغوښتی. موضوع همدومره ده.)
ښاغلي تمنا د نیول شوي کس د هویت په اړه معلومات ورنه کړل.
خو ځینې راپورونه وایي چې د بهرنیو چارو وزارت نیول شوی کس ټیټ پوړی مامورنه بلکه د دغه وزارت یو لوړپوړی کارکوونکی دی.
تراوسه معلومه نه ده چې درې نورو کسانو له کومو حکومتی ادارو سره کار کاوه.
کارپوهان وایي د سیمې هیوادونو استخباراتو ته د جاسوس په توګه د څلورو حکومتي کسانو نیول دا ښیي چې د افغانستان په ادارو کې د سیمې د هیوادونو په ځانګړې توګه د ایران او پاکستان جاسوسان نفوذ لري.
کارپوهان وایي که افغان حکومت دې ستونزې ته جدي پاملرنه ونه کړي په حکومتي ادارو کې به د سیمې هیوادونو د جاسوسانو نفوذ ورځ تربلې زیات او د افغانستان د اوسني نظام ریښې به له منځه یوسي.
راپور:اسدالله لودین کابل