"ګروسمن به هڅه وکړي د قطر د دفتر په اړه د سیمې هېوادونه قانع کړي"

د افغانستان او پاکستان لپاره د امریکا د متحدو ایالتونو ځانګړی استازی ″مارګ ګروسمن″ به سر له نن څخه افغانستان، قطر، سعودي عربستان، ترکیې او عربي متحدو اماراتو ته سفر پیل کړي.

نوموړی سیمې ته په داسې وخت کی ځي، چې د امریکایانو او طالبانو ترمنځ د خبرو او په قطر کې د طالبانو لپاره د سیاسي دفتر مساله ډيره توده شوې ده.

دا مسله نوریاس نوري له افغان کارپوه احمد سعیدي سره په مرکه کې څیړلې او په سرکې یې ترې داپوښتنه کړې؛ چې د افغانستان حکومت په قطر کې، له دغو خبرو څنګ ته شوی، حال دا چې د امریکا د بهرنیو چارو وزیرې هیلري کلنټن څو ورځې وړاندې افغانستان او سیمې ته د ښاغلي ګروسمن د سفر د اعلان په مهال وویل، چی متحده ایالات د افغانستان د حکومت په مشرۍ د سولې د خبرو ملاتړکوي. ایا ګروسمن به په دې سفر کې افغان چارواکو ته د دې خبرې ډاډ ورکړي؟