د مصر په تحرير ميدان کې مظاهرې
د مصر امنيتي ځواکونو د قاهرې د التحرير ميدان د بيا نيولو لپاره پر مظاهره چيانو حمله وکړه، څو دغه ميدان د مظاهره چيانو له ولکې وباسي. په سلګونو پوليس او سرتېري د قاهرې له التحرير ميدان څخه د زرګونو مظاهره چيانو د ليرې کولو لپاره له اوښکې بهوونکي ګاز او رابري مرميو استفاده کړې ده. تحرير ميدان په فبرورۍ مياشت کې د پراخو مظاهرو صحنه وه، چې په نتيجه کې ولسمشر حسني مبارک له واکه ليرې شو.