افغان ولسمشر حامد کرزي د تیرو اخترونو پرخلاف دا ځل پر وسله والو مخالفینو مستقیم غږ ونه کړ، چې جګړه پای ته ورسوي او د سولې له بهیر سره یوځای شي.
حامد کرزي د یکشنبې په سهار له یو شمېر دولتي چارواکو، جهادي مشرانو او د ملي شورا له یو شمېر غړیو سره د ارګ په جومات کې د لوی اختر لمونځ ادا کړ.
ولسمشر کرزي هیله څرګنده کړه، چې د اختر د ورځو او د شهیدانو په ځانګړې توګه داستاد رباني د وینو په برکت افغانستان ته دایمې سوله او امن راشي:
(د افغانستان خلکو ته د نیکمرغه لوی اختر مبارکي وایم خدای تعالی دې د افغانستان د شهداو د پاکي ویني له رویه امت مسلمه ته او د افغانستان ولس ته سوله او امن په نسیب کړي او خدای تعالی دې خصوصا زموږ د سولې له لارې د پاکې وینې د شهادت له رویه د استاد ګرامي د شهادت د رویه دې ځپلي او دردیدلي سوله په نسیب کړي.)
د اختر په لمانځه کې له ولسمشر کرزي سره د ده لومړي مرستیال مارشال محمدقسیم فهیم، د ولسي جرګې مشر عبدالروف ابراهیمي، د سترې محکمې سرپرست او قاضي القضات عبدالسلام عظیمي، د ولسي جرګې غړي عبدالرب رسول سیاف او یو شمېر نورو دولتي چارواکو برخه واخیسته.
ولسمشر کرزي په خپلو خبرو کې پاکستان ته هم د سولې دعا وکړه چې د ده په خبره دا مهال د تروریزم په اور کې سوځي:
(له مراکش نه تر اندونیزیا پورې ټول مسلمه امت ته د نیکمرغۍ، بریا او سولې هیله کوو.
هیله ده ټولې اسلامي نړۍ ته چې دا مهال په درد ، رنځ او ستونزو کې ژوند تیروي د همدې مبارکې ورځې په برکت سوله اوامن راشي.
په ځانګړې توګه د افغانستان او پاکستان خلکو ته چې په دې ورځو کې له ترهګرۍ څخه رنځ وړي،روغتیا،سلامتي،سوله او ارامي غواړو.)
له دې وړاندې ولسمشر کرزي د اختر له لمانځه وروسته پر وسله والو طالبانو غږ کاوه چې وسله پرځمکه کیږدي او د سولې له بهیر سره یوځای شي.
خو دا چې دا ځل ولې ولسمشر کرزي په وسله والو مخالفینو د سولې غږ ونه کړ لامل یي ښایي د سولې د بهیر په اړه د افغان حکومت د دریځ بدلون وي.
له وسله والو مخالفینو سره د سولې په اړه د افغان حکومت په دریځ کې وروسته ترهغې بدلون راغی چې وسله والو مخالفینو د سولې د عالي شورا مشر برهان الدین رباني وواژه.
حامد کرزي د یکشنبې په سهار له یو شمېر دولتي چارواکو، جهادي مشرانو او د ملي شورا له یو شمېر غړیو سره د ارګ په جومات کې د لوی اختر لمونځ ادا کړ.
ولسمشر کرزي هیله څرګنده کړه، چې د اختر د ورځو او د شهیدانو په ځانګړې توګه داستاد رباني د وینو په برکت افغانستان ته دایمې سوله او امن راشي:
(د افغانستان خلکو ته د نیکمرغه لوی اختر مبارکي وایم خدای تعالی دې د افغانستان د شهداو د پاکي ویني له رویه امت مسلمه ته او د افغانستان ولس ته سوله او امن په نسیب کړي او خدای تعالی دې خصوصا زموږ د سولې له لارې د پاکې وینې د شهادت له رویه د استاد ګرامي د شهادت د رویه دې ځپلي او دردیدلي سوله په نسیب کړي.)
د اختر په لمانځه کې له ولسمشر کرزي سره د ده لومړي مرستیال مارشال محمدقسیم فهیم، د ولسي جرګې مشر عبدالروف ابراهیمي، د سترې محکمې سرپرست او قاضي القضات عبدالسلام عظیمي، د ولسي جرګې غړي عبدالرب رسول سیاف او یو شمېر نورو دولتي چارواکو برخه واخیسته.
ولسمشر کرزي په خپلو خبرو کې پاکستان ته هم د سولې دعا وکړه چې د ده په خبره دا مهال د تروریزم په اور کې سوځي:
(له مراکش نه تر اندونیزیا پورې ټول مسلمه امت ته د نیکمرغۍ، بریا او سولې هیله کوو.
هیله ده ټولې اسلامي نړۍ ته چې دا مهال په درد ، رنځ او ستونزو کې ژوند تیروي د همدې مبارکې ورځې په برکت سوله اوامن راشي.
په ځانګړې توګه د افغانستان او پاکستان خلکو ته چې په دې ورځو کې له ترهګرۍ څخه رنځ وړي،روغتیا،سلامتي،سوله او ارامي غواړو.)
له دې وړاندې ولسمشر کرزي د اختر له لمانځه وروسته پر وسله والو طالبانو غږ کاوه چې وسله پرځمکه کیږدي او د سولې له بهیر سره یوځای شي.
خو دا چې دا ځل ولې ولسمشر کرزي په وسله والو مخالفینو د سولې غږ ونه کړ لامل یي ښایي د سولې د بهیر په اړه د افغان حکومت د دریځ بدلون وي.
له وسله والو مخالفینو سره د سولې په اړه د افغان حکومت په دریځ کې وروسته ترهغې بدلون راغی چې وسله والو مخالفینو د سولې د عالي شورا مشر برهان الدین رباني وواژه.