د طالبانو مشر د لوی اختر په مناسبت خپله اعلامیه کې له طالب جنګیالو غوښتي، چې د ولسي خلکو سراو مال ته دې زیان نه رسوي.
دغه اعلامیه چې پرون په پنځو ژبو پښتو، دري، عربي، انګلیسي او اردو خپره شوه وایي، چې د ولسي خلکو د وژل کېدو په اړه باید پراخه تحقیقات ترسره شي.
ملګرو ملتونو څلور میاشتې مخکې په خپل یو راپور کې وویل، چې د روان کال په لومړیو شپږو میاشتو کې د طالب یاغیانو او افغان او بهرنیو ځواکونو ترمنځ جګړو په نتیجه کې ۱۴۶۲ بیګناه ولسي وګړي وژل شوي دي.
دغې شمیرې د تیرکال د همدې مودې په تناسب په سلو کې پینځلس زیاتوالی څرګند کړ.
ملګرو ملتونو وویل، چې طالبان د ولسي خلکو د اتیا په سلو کې مړینې مسوول دي او افغان او بهرني ځواکونه د څوارلسو په سلو کې مسوولیت په غاړه لري او د پاته شپږ په سلو کې مړینې مسوولین معلوم نه دي.
د طالبانو مشر ملا محمد عمر وایي، که چېرې طالب جنګیالي د کوم ولسي بې ګناه کس د مرګ مسوول وپيژندل شي، نو شرعي حد به پرې نافذ شي.
د طالبانو مشر له ولسي خلکو هم غوښتنه کوي، چې د امریکایي ځواکونو د ګزمو څخه دې ځانونه ځکه لیرې ساتي، چې طالبان پرې بریدونه کوي.
د طالبانو مشر د لوی اختر په مناسبت اعلامیه کې ادعا کوي، چې طالبانو د افغانستان جنګ ګټلی دی او امریکایي ولس نور د افغانستان له مسالې سره دومره دلچسپي نه لري.
خو نړیوال ځواکونه بیا بل نظر لري. دوی تیره میاشت د یولړ معلوماتو او ارقامو په خپرولو وویل، چې نسبت تیرکال ته د طالبانو په میاشتنیو بریدونو کې بیساري کمې راغلي.
ایتلافي ځواکونو وویل، طالب جنګیالي اوس مخامخ جنګ ته زړه نه ښه کوي او اکثر بمي چاودنې کوي.
ایتلافي ځواکونه وایي، د سړکونو له غاړې بمي چاودنې د روان کال په لومړیو اتو میاشتو کې نسبت تیرکال ته پنځه ویشت په سلو کې زیاتې وې.
دغه اعلامیه چې پرون په پنځو ژبو پښتو، دري، عربي، انګلیسي او اردو خپره شوه وایي، چې د ولسي خلکو د وژل کېدو په اړه باید پراخه تحقیقات ترسره شي.
ملګرو ملتونو څلور میاشتې مخکې په خپل یو راپور کې وویل، چې د روان کال په لومړیو شپږو میاشتو کې د طالب یاغیانو او افغان او بهرنیو ځواکونو ترمنځ جګړو په نتیجه کې ۱۴۶۲ بیګناه ولسي وګړي وژل شوي دي.
دغې شمیرې د تیرکال د همدې مودې په تناسب په سلو کې پینځلس زیاتوالی څرګند کړ.
ملګرو ملتونو وویل، چې طالبان د ولسي خلکو د اتیا په سلو کې مړینې مسوول دي او افغان او بهرني ځواکونه د څوارلسو په سلو کې مسوولیت په غاړه لري او د پاته شپږ په سلو کې مړینې مسوولین معلوم نه دي.
د طالبانو مشر ملا محمد عمر وایي، که چېرې طالب جنګیالي د کوم ولسي بې ګناه کس د مرګ مسوول وپيژندل شي، نو شرعي حد به پرې نافذ شي.
د طالبانو مشر له ولسي خلکو هم غوښتنه کوي، چې د امریکایي ځواکونو د ګزمو څخه دې ځانونه ځکه لیرې ساتي، چې طالبان پرې بریدونه کوي.
د طالبانو مشر د لوی اختر په مناسبت اعلامیه کې ادعا کوي، چې طالبانو د افغانستان جنګ ګټلی دی او امریکایي ولس نور د افغانستان له مسالې سره دومره دلچسپي نه لري.
خو نړیوال ځواکونه بیا بل نظر لري. دوی تیره میاشت د یولړ معلوماتو او ارقامو په خپرولو وویل، چې نسبت تیرکال ته د طالبانو په میاشتنیو بریدونو کې بیساري کمې راغلي.
ایتلافي ځواکونو وویل، طالب جنګیالي اوس مخامخ جنګ ته زړه نه ښه کوي او اکثر بمي چاودنې کوي.
ایتلافي ځواکونه وایي، د سړکونو له غاړې بمي چاودنې د روان کال په لومړیو اتو میاشتو کې نسبت تیرکال ته پنځه ویشت په سلو کې زیاتې وې.