د ترکېي په ختیځه برخه د سیوز ولایت په یوه اکاډمۍ کې سلګونه تنه افغان پولیس د ترکې استادانو له خوا په نړېوال معیار برابر روزل کېږي.
دغو افغان پولیسو ته د ترکېي د پولیسو په څیر ابتدایي خو اساسي او په منځني ډول تخصصي زده کړې ورکول کېږي.
دغه څلور سوه دوه نوي تنه افغان پولیس هرسهار په منظم ډول جمع شي او ځانګړی تعلیم کوي.
له تعلیم وروسته دغه افغان محصلین د نظري زده کړو لپاره خپلو ټولګیو او د عملي زده کړو لپاره ځانګړو سیمو ته ورځي، دوي په ټولګیو کې هره ورځ شپږ یا اوه ساعته مسلکې درس وایي.
