د ليبيا ملي انتقالي شورا وايي په طرابلس کې د بېواکه شوي واکمن معمر القذافي د پلويانو او د موقت حکومت د ځواکونو ترمنځ په وسلواله جګړه کې درې کسان وژل شوي دي.
په طرابلس کې د انتقالي شورا امنيتي چارواکي عبدالرزاق العُريدي وويل د قذافي دوه پلويان او د انتقالي شورا يو جنګيالى وژل شوي، شا و خوا ٣٠ تنه نور ټپيان دي:
”دوه تروريستان وژل شوي، ٣١ تنه ټپيان دي. د انتقالي شورا يو جنګيالى هم وژل شوى. موږ ډول- ډول وسلې او مهمات هم نيولي دي“
داسې ښکاري چې په ابوسليم ولسوالۍ کې پرونۍ شخړه ختمه شوې او يوازې د قذافي يو څو پلويانو په کې برخه درلوده، خو راپورونه وايي وروسته تر هغه چې په اګست مياشت کې د انتقالي شورا ځواکونو مرکز طرابلس ونيوه او د قذافي ٤٢ کلنه واکمني يې ختمه کړه، دا په طرابلس کې د انتقالي شورا په وړاندې لومړنى تنظيم شوى وسلوال مقاومت و.
د انتقالي شورا جنګيالي هڅه کوي چې د قذافي پلرنى ټاټوبى سرت ښار په بشپړ ډول په خپل کنټرول کې راولي.
په طرابلس کې د انتقالي شورا امنيتي چارواکي عبدالرزاق العُريدي وويل د قذافي دوه پلويان او د انتقالي شورا يو جنګيالى وژل شوي، شا و خوا ٣٠ تنه نور ټپيان دي:
”دوه تروريستان وژل شوي، ٣١ تنه ټپيان دي. د انتقالي شورا يو جنګيالى هم وژل شوى. موږ ډول- ډول وسلې او مهمات هم نيولي دي“
داسې ښکاري چې په ابوسليم ولسوالۍ کې پرونۍ شخړه ختمه شوې او يوازې د قذافي يو څو پلويانو په کې برخه درلوده، خو راپورونه وايي وروسته تر هغه چې په اګست مياشت کې د انتقالي شورا ځواکونو مرکز طرابلس ونيوه او د قذافي ٤٢ کلنه واکمني يې ختمه کړه، دا په طرابلس کې د انتقالي شورا په وړاندې لومړنى تنظيم شوى وسلوال مقاومت و.
د انتقالي شورا جنګيالي هڅه کوي چې د قذافي پلرنى ټاټوبى سرت ښار په بشپړ ډول په خپل کنټرول کې راولي.