اينډپنډنټ:
اينډپنډنټ ورځپاڼې د افغانتسان او هند ترمنځ د ګډې همکارۍ مساله په يوې مقالې کې څيړلې ده. د دې ليکنې په پيل کې لولو، د افغانستان ولسمشر حامد کرزي، وروسته تر دې چې له هند سره د سترايژيکي همکارۍ تړون لاسليک کړ، هڅه يې و کړه، چې له پاکستان سره خپلې اړيکي سمې کړي.
حامد کرزي په نوي ډيلي کې په خپله وينا کې په سيمه کې د دايمي سولې لپاره د اسلام اباد پر ونډې ټينګار وکړ او هغه يې مهمه وګڼله. ولسمشر کرزي، چې پاکستان د افغانستان غبرګوني ورور وباله هند ته يې د ستردوست خطاب وکړ.
ده همداراز وويل، دغه تړون، چې موږ له سترملګري هيواد سره لاسليک کړی دی، د هيڅ هيواد په زيان نه دی او هدف يې يوازې د افغانستان ملاتړ کول دي.
د انډيپنډنټ ورځپاڼې په باور ولسمشر کرزی هڅې کوي، چې پر يوې نرۍ لارې سفر وکړي او خپل ملاتړي خپه نه کړي. ورځپاڼې د ولسمشر کرزي دا خبره هم رااخيستې ده، چې ويې ويل، داسې ورځ دې خداي راولي، چې د سهار چای په هند، د غرمې ډوډۍ په پاکستان او د شپې ډوډۍ په افغانستان کې وخوري.
ورځپاڼه بيا وړاندې ليکي چې حامد کرزي دا څرګندونې په دې پسې کړې دي، چې افغان حکومت د پاکستان د استخباراتو پر مرکزي ادارې سخت انتقادونه وکړل، چې د حقاني شبکې او طالبانو ملاتړ کوي.
بل لور ته پاکستان په افغانستان کې د هند له هڅو سره حساسيت ښيي او تل يې په دې برخه کې د نوي ډيلي د انګيزې پوښتنه کړې ده، چې ولې دومره دلچسپي لري.
د انډپنډنټ په وينا د امنيت په برخه کې د هند او افغانستان موافقه پاکستان تحريکولي شي، که هغه دا وي، چې په افغانستان کې د هندي ځواکونو شميره زياته شي يا لکه، څرنګه چې ويل شوې دي، د افغان ځواکونو روزنه وي. ورځپاڼه بيا د يوه پاکستاني چارواکي خبره رااخيستې ده، چې وايي، که په دې برخه کې د قهر و غضب لوړه درجه لس وګڼو نو د پاکستان دغه درجه اوس لا شپږو ته رسيدلې ده.
ګارډین:
د بريتانيا بلې ورځپاڼې ګارډين بيا تر دې سرليک لاندې مقاله خپره کړې ده، د کرزي د رژيم ملاتړ به په راتلونکې کې هند ته ګرانه پريوزي. دا مقاله داسې پيليږي، د هند دا پريکړه، چې د حامد کرزي د کمزوري حکومت ملاتړ کوي، يو مخ بې منطقه نه ده.
ورځپاڼې بيا د سې شنبې د ورځې تړون ته اشاره کړې، چې دواړو هيوادو ژمنه په کې کړې ده، چې د سوداګرۍ او له ترروزم سره د مبارزې په برخه کې له يوه بل سره همکاري وکړي.
په تړون کې د سيمې ستر اقتصادي ځواک، هند دا موافقه هم کړې ده، چې د افغانستان امنيتي ځواکونه به وروزي او په وسلو به يې سمبال کړي، چې په دې توګه به چې کله د دوه زره څوارلسم ميلادي کال تر پايه امريکايي او ناټو ځواکونه له افغانستانه ووتل، هند به په دغه هيواد کې خپله ونډه لري، خو د ګارډين په وينا پاکستان او طالبان دې تړون ته په بله سترګه ګوري، چې ښايي هند ته دا خبره ګرانه تمامه شي.
ورځپاڼه بيا وړاندې ليکي، د امريکا او پاکستان اړيکو ته که پام وشي او په امريکا کې د افغانستان له جګړې د خلکو نارضايت ته، نو واشنګتن به پرته له څه شکه دې خوشاله وي، چې د امريکا نوي متعهد هند يو شمير مسووليتونه په غاړه واخلي او پرې نه ږدي چې افغانستان بيا په کورنۍ جګړې کې راګير شي.
د ګارډين په باور په دې ډول به بارک اوباما يا د هغه پر ځاي د امريکا بل مشر دا ادعاء وکړي، چې د افغانستن ستونزه د سيمه ييز تضمين له کولو سره هواره شوه. خو ورځپاڼه دا هم ليکي چې داسې نه شي چې هند بيا يوه ورځ پښيمانه شي او پاکستان ته ستر تاوان ورکړي.
اينډپنډنټ ورځپاڼې د افغانتسان او هند ترمنځ د ګډې همکارۍ مساله په يوې مقالې کې څيړلې ده. د دې ليکنې په پيل کې لولو، د افغانستان ولسمشر حامد کرزي، وروسته تر دې چې له هند سره د سترايژيکي همکارۍ تړون لاسليک کړ، هڅه يې و کړه، چې له پاکستان سره خپلې اړيکي سمې کړي.
حامد کرزي په نوي ډيلي کې په خپله وينا کې په سيمه کې د دايمي سولې لپاره د اسلام اباد پر ونډې ټينګار وکړ او هغه يې مهمه وګڼله. ولسمشر کرزي، چې پاکستان د افغانستان غبرګوني ورور وباله هند ته يې د ستردوست خطاب وکړ.
ده همداراز وويل، دغه تړون، چې موږ له سترملګري هيواد سره لاسليک کړی دی، د هيڅ هيواد په زيان نه دی او هدف يې يوازې د افغانستان ملاتړ کول دي.
د انډيپنډنټ ورځپاڼې په باور ولسمشر کرزی هڅې کوي، چې پر يوې نرۍ لارې سفر وکړي او خپل ملاتړي خپه نه کړي. ورځپاڼې د ولسمشر کرزي دا خبره هم رااخيستې ده، چې ويې ويل، داسې ورځ دې خداي راولي، چې د سهار چای په هند، د غرمې ډوډۍ په پاکستان او د شپې ډوډۍ په افغانستان کې وخوري.
ورځپاڼه بيا وړاندې ليکي چې حامد کرزي دا څرګندونې په دې پسې کړې دي، چې افغان حکومت د پاکستان د استخباراتو پر مرکزي ادارې سخت انتقادونه وکړل، چې د حقاني شبکې او طالبانو ملاتړ کوي.
بل لور ته پاکستان په افغانستان کې د هند له هڅو سره حساسيت ښيي او تل يې په دې برخه کې د نوي ډيلي د انګيزې پوښتنه کړې ده، چې ولې دومره دلچسپي لري.
د انډپنډنټ په وينا د امنيت په برخه کې د هند او افغانستان موافقه پاکستان تحريکولي شي، که هغه دا وي، چې په افغانستان کې د هندي ځواکونو شميره زياته شي يا لکه، څرنګه چې ويل شوې دي، د افغان ځواکونو روزنه وي. ورځپاڼه بيا د يوه پاکستاني چارواکي خبره رااخيستې ده، چې وايي، که په دې برخه کې د قهر و غضب لوړه درجه لس وګڼو نو د پاکستان دغه درجه اوس لا شپږو ته رسيدلې ده.
ګارډین:
د بريتانيا بلې ورځپاڼې ګارډين بيا تر دې سرليک لاندې مقاله خپره کړې ده، د کرزي د رژيم ملاتړ به په راتلونکې کې هند ته ګرانه پريوزي. دا مقاله داسې پيليږي، د هند دا پريکړه، چې د حامد کرزي د کمزوري حکومت ملاتړ کوي، يو مخ بې منطقه نه ده.
ورځپاڼې بيا د سې شنبې د ورځې تړون ته اشاره کړې، چې دواړو هيوادو ژمنه په کې کړې ده، چې د سوداګرۍ او له ترروزم سره د مبارزې په برخه کې له يوه بل سره همکاري وکړي.
په تړون کې د سيمې ستر اقتصادي ځواک، هند دا موافقه هم کړې ده، چې د افغانستان امنيتي ځواکونه به وروزي او په وسلو به يې سمبال کړي، چې په دې توګه به چې کله د دوه زره څوارلسم ميلادي کال تر پايه امريکايي او ناټو ځواکونه له افغانستانه ووتل، هند به په دغه هيواد کې خپله ونډه لري، خو د ګارډين په وينا پاکستان او طالبان دې تړون ته په بله سترګه ګوري، چې ښايي هند ته دا خبره ګرانه تمامه شي.
ورځپاڼه بيا وړاندې ليکي، د امريکا او پاکستان اړيکو ته که پام وشي او په امريکا کې د افغانستان له جګړې د خلکو نارضايت ته، نو واشنګتن به پرته له څه شکه دې خوشاله وي، چې د امريکا نوي متعهد هند يو شمير مسووليتونه په غاړه واخلي او پرې نه ږدي چې افغانستان بيا په کورنۍ جګړې کې راګير شي.
د ګارډين په باور په دې ډول به بارک اوباما يا د هغه پر ځاي د امريکا بل مشر دا ادعاء وکړي، چې د افغانستن ستونزه د سيمه ييز تضمين له کولو سره هواره شوه. خو ورځپاڼه دا هم ليکي چې داسې نه شي چې هند بيا يوه ورځ پښيمانه شي او پاکستان ته ستر تاوان ورکړي.