په کيف کې د تيموشينکو د پلويانو او مخالفانو مظاهرې
د اوکراين پخواني ولسمشر ويکتور يوشچينکو د پخوانۍ صدراعظمې يوليا تيموشينکو د قضيې د يوه عيني شاهد په توګه په محکمه کې راڅرګند شو. يوليا له روسيې سره د ګازو په يوه معامله کې په ٢٠٠٩م کال کې له خپل کاري صلاحيت څخه د ناوړې استفادې له کبله محاکمه کېږي. د کيف ښار د محکمې تر ودانۍ دباندې د يوليا تيموشينکو پلويانو او مخالفانو مظاهره وکړه، چا يې په ملاتړ او چا يې پرخلاف شعارونه ورکول.