هند او پاکستان چې دواړه هستوي وسلې لري، د کشمېر پر سر یې په خپلو کې درې ځلې جګړه کړې ده. دواړه هېوادونه زیار باسي، چې خپلې ستونزې د خبرو او مذاکرو له لارې حل کړې
هند او پاکستان د روان عیسوي کال په سر کې یو ځل بیا د سولې خبرې پیل کړې وې، خو د دواړو هیوادونو د بهرنیو چارو وزیرانو د چهارشنبې په ورځ سره وکتل او د نوې همکارۍ په روحیې خبرې اترې وکړې.
که څه هم چې د دواړو هیوادونو د بهرنیو چارو د وزیرانو په کتنې او خبرو کې کوم ستر بری نه دی تر سترګو شوی، خو چارواکې وایي، د لوړ پوړو کسانو تر منځ لیده کاته به د دواړو هیوادونو تر منځ د اعتماد فضا ښه کړې.
د هند د بهرنیو چارو وزیر ایس ایم کرشنا له کتنې وروسته خبریالانو ته وویل:
“هند له پاکستان سره همکارۍ ته سترګې پر لار دی. دا کارنه یوازې د دواړو هیوادونو تر منځ بلکې د سېمې د سولې په ګټه هم دی. مونږ یوه باثباته، آرام او سوکاله پاکستان ته لیواله یو.”
د پاکستان د بهرنیو چارو نوې وزیرې حنا ربانې کهر وویل:
“پاکستان له هند سره دوستانه همکارۍ او ملګرتیا ته سترګې په لار دی. دا کار باید په تېر وخت پورې منحصر نه شي.”
هند او پاکستان د تېرې فبرورۍ میاشت کې د سولې د خبرو نوی پړاو پیل کړی و او د دواړو هیوادونو د بهرنیو چارو وزیرانو دا کتنه د زیات اهمیت وړ ده.
د دواړو هیوادونو تر منځ د سولې خبرې په ۲۰۰۸ کال کې هغه مهال په ټپه ودریدلې چې لسو تنو وسله والو د هند په ممبی ښار کې تروریستې حملې وکړې او ۱۶۶ کسان یې ووژل.
هند وایي، د پاکستان استخباراتي ادارې (ای. اېس. ای) له وسله والوسره د حملې په پلان کې مرسته کړې ده او د عاملینوپر ضد یې جدي عمل نه دی کړی.
د جولای په شلمه په ممبی ښار کې یو ځل بیا تروریستي حمله وشوه او شل کسان په کی ووژل شول خو دواړو خواو د سولې د خبرو نوی پړاو ترک نه کړ.
هند د حملې په اړه تحقیقاتو کې داسې ښودلې چې په دې حملې کې د یوې کورنۍ تروریستې ډلې چې د پاکستان له بنسټ پالو سره اړیکې لري، لاس دی. خو جګ پوړو حکومتي چارواکو پاکستان ته ګوته نه ده نیولې او د تحقیقاتو د بشپړیدو تر وخته یې د حوصلې غږ کړی دی.
د چهارشنبې په ورځ د هند او پاکستان د بهرنیو چارو وزیران له غونډې مخکې خوښ معلومیدل او د خوښۍ په روحیې یې خبرې پیل کړې.
د دواړو هیوادونو د بهرنیو چارو وزیرانو د امنیت او د اوبو د منابعو د ویش په اړه هم خبرې وکړې.
د پاکستان صدراعظم یوسف رضا ګیلاني د سې شنبې په ورځ په اسلام کې ویلي وو، د هند او پاکستان تر منځ خبرې د دواړو هیوادونو تر منځ د اړیکو د ښه کیدو یوازینۍ لار ده.
هند او پاکستان د روان عیسوي کال په سر کې یو ځل بیا د سولې خبرې پیل کړې وې، خو د دواړو هیوادونو د بهرنیو چارو وزیرانو د چهارشنبې په ورځ سره وکتل او د نوې همکارۍ په روحیې خبرې اترې وکړې.
که څه هم چې د دواړو هیوادونو د بهرنیو چارو د وزیرانو په کتنې او خبرو کې کوم ستر بری نه دی تر سترګو شوی، خو چارواکې وایي، د لوړ پوړو کسانو تر منځ لیده کاته به د دواړو هیوادونو تر منځ د اعتماد فضا ښه کړې.
د هند د بهرنیو چارو وزیر ایس ایم کرشنا له کتنې وروسته خبریالانو ته وویل:
“هند له پاکستان سره همکارۍ ته سترګې پر لار دی. دا کارنه یوازې د دواړو هیوادونو تر منځ بلکې د سېمې د سولې په ګټه هم دی. مونږ یوه باثباته، آرام او سوکاله پاکستان ته لیواله یو.”
د پاکستان د بهرنیو چارو نوې وزیرې حنا ربانې کهر وویل:
“پاکستان له هند سره دوستانه همکارۍ او ملګرتیا ته سترګې په لار دی. دا کار باید په تېر وخت پورې منحصر نه شي.”
هند او پاکستان د تېرې فبرورۍ میاشت کې د سولې د خبرو نوی پړاو پیل کړی و او د دواړو هیوادونو د بهرنیو چارو وزیرانو دا کتنه د زیات اهمیت وړ ده.
د دواړو هیوادونو تر منځ د سولې خبرې په ۲۰۰۸ کال کې هغه مهال په ټپه ودریدلې چې لسو تنو وسله والو د هند په ممبی ښار کې تروریستې حملې وکړې او ۱۶۶ کسان یې ووژل.
هند وایي، د پاکستان استخباراتي ادارې (ای. اېس. ای) له وسله والوسره د حملې په پلان کې مرسته کړې ده او د عاملینوپر ضد یې جدي عمل نه دی کړی.
د جولای په شلمه په ممبی ښار کې یو ځل بیا تروریستي حمله وشوه او شل کسان په کی ووژل شول خو دواړو خواو د سولې د خبرو نوی پړاو ترک نه کړ.
هند د حملې په اړه تحقیقاتو کې داسې ښودلې چې په دې حملې کې د یوې کورنۍ تروریستې ډلې چې د پاکستان له بنسټ پالو سره اړیکې لري، لاس دی. خو جګ پوړو حکومتي چارواکو پاکستان ته ګوته نه ده نیولې او د تحقیقاتو د بشپړیدو تر وخته یې د حوصلې غږ کړی دی.
د چهارشنبې په ورځ د هند او پاکستان د بهرنیو چارو وزیران له غونډې مخکې خوښ معلومیدل او د خوښۍ په روحیې یې خبرې پیل کړې.
د دواړو هیوادونو د بهرنیو چارو وزیرانو د امنیت او د اوبو د منابعو د ویش په اړه هم خبرې وکړې.
د پاکستان صدراعظم یوسف رضا ګیلاني د سې شنبې په ورځ په اسلام کې ویلي وو، د هند او پاکستان تر منځ خبرې د دواړو هیوادونو تر منځ د اړیکو د ښه کیدو یوازینۍ لار ده.