د حقاني وسله واله ډله د مجاهدینو د ایتلاف یوه ډله وه، چې په ۱۹۸۰ لسیزه کې یې په افغانستان کې د شوروي د اشغال په وړاندې جهاد کې ونډه درلوده او د امریکا د اسخباراتو ادارې سي. ای. اې او پاکستان یې ملاتړ کاوه.
د حقاني شبکې موسس او مشرجلال الدین حقاني د طالبانو د واکمنۍ په موده کې د وزیر په توګه دنده ترسره کوله.
واشنګټن پوسټ لیکي، د حقاني شبکه نن ترټولو خطرناکه ډله ده، چې د افغانستان په ختیځ کې د امریکایي ځواکونو پرضد جنګیږي.
د افغانستان په سرحدي سیمو کې له القاعده او نورو وسله والو ډلو سره د دې شبکې همکاري د امریکایي چارواکو لپاره سرخوږی جوړ کړی دی.
ورځپاڼه لیکي، یوه هراړخیزه څیړنه ښیي، چې په نړیواله سطحه د جهاد په خپریدو کې د حقانې شبکې ونډې او د امریکا ګټو ته د دې شبکې له خوا بالقوه تهدیدونو ته په کم نظر کتل شوي دي.
د تروریزم ضد مبارزې د مرکز د څیړنو په نتیجه کې چې د ویډیوګانو، مجلو، عرب مجاهدینو او د القاعده د پخوانیو او اوسنیو غړیو او د جهاد د نورو اسنادو پراساس ترسره شوې، معلومه شوې چې د حقاني ډلې نه یواځې داچې د القاعده غړیو ته یو امن ځای ورکړی بلکې هغوی ته یې د ښوونې او روزنې، تبلیغاتو، د اړیکو د تامین او د تدارکاتو په برابرولو کې هم مرسته کړې ده.
د تروریزم ضد مبارزې د مرکز څیړنې ښیي، چې په ۱۹۹۰ لسیزه کې چې هغه وخت اسامه بن لادن په سودان کې و، جلال الدین حقاني په یوه بې ساري اقدام کې د یوه بیان په خپرولو سره د یوې غیرافغاني ډلې یانې د اسامه بن لادن د ډلې د ملاتړ غوښتنه وکړه.
واشنګټن پوست لیکي، د حقاني شبکه چې نن یې مشري د جلال الدین حقاني زوی سراج الدین حقاني کوي، پردې سربیره چې له القاعده سره اړیکې لري، د امریکا د استخباراتو د ادارې له نظره یوه داسې ډله ده، چې محرکه قوه یې ترډیره پر ایدیالوژۍ نه ده ولاړه بلکې زیات د قدرت، شتو او په سیمه ییزه کچه پرنورو وسله والو ډلو د خپل نفوذ لرلو په خاطر فعالیت او کارکوي.
د ورځپاڼې په وینا د حقاني شبکه قصدا ځان یوه سیمه ییزه لوبغاړې بولي او خپل فعالیتونه په سیمې پورې محدودوي ځکه په شمالي وزیرستان کې د دې شبکې پرمرکزونو د امریکایي بې پیلوټه الوتکو وروستیو بریدونو ته په پام سره له دې ویریږي، چې لکه د القاعده د مشر په سرنوشت اخته نشي.
واشنګټن پوست لیکي، د تروریزم ضد مبارزې د مرکز څیړنو دغه راز ښودلې چې دا به د امریکایي پالیسۍ جوړونکو تیروتنه وي، چې د افغانستان له پولو وړاندې د حقانې شبکې اغیزو ته په کمه سترګه وګوري.
د حقاني شبکې موسس او مشرجلال الدین حقاني د طالبانو د واکمنۍ په موده کې د وزیر په توګه دنده ترسره کوله.
واشنګټن پوسټ لیکي، د حقاني شبکه نن ترټولو خطرناکه ډله ده، چې د افغانستان په ختیځ کې د امریکایي ځواکونو پرضد جنګیږي.
د افغانستان په سرحدي سیمو کې له القاعده او نورو وسله والو ډلو سره د دې شبکې همکاري د امریکایي چارواکو لپاره سرخوږی جوړ کړی دی.
ورځپاڼه لیکي، یوه هراړخیزه څیړنه ښیي، چې په نړیواله سطحه د جهاد په خپریدو کې د حقانې شبکې ونډې او د امریکا ګټو ته د دې شبکې له خوا بالقوه تهدیدونو ته په کم نظر کتل شوي دي.
د تروریزم ضد مبارزې د مرکز د څیړنو په نتیجه کې چې د ویډیوګانو، مجلو، عرب مجاهدینو او د القاعده د پخوانیو او اوسنیو غړیو او د جهاد د نورو اسنادو پراساس ترسره شوې، معلومه شوې چې د حقاني ډلې نه یواځې داچې د القاعده غړیو ته یو امن ځای ورکړی بلکې هغوی ته یې د ښوونې او روزنې، تبلیغاتو، د اړیکو د تامین او د تدارکاتو په برابرولو کې هم مرسته کړې ده.
د تروریزم ضد مبارزې د مرکز څیړنې ښیي، چې په ۱۹۹۰ لسیزه کې چې هغه وخت اسامه بن لادن په سودان کې و، جلال الدین حقاني په یوه بې ساري اقدام کې د یوه بیان په خپرولو سره د یوې غیرافغاني ډلې یانې د اسامه بن لادن د ډلې د ملاتړ غوښتنه وکړه.
واشنګټن پوست لیکي، د حقاني شبکه چې نن یې مشري د جلال الدین حقاني زوی سراج الدین حقاني کوي، پردې سربیره چې له القاعده سره اړیکې لري، د امریکا د استخباراتو د ادارې له نظره یوه داسې ډله ده، چې محرکه قوه یې ترډیره پر ایدیالوژۍ نه ده ولاړه بلکې زیات د قدرت، شتو او په سیمه ییزه کچه پرنورو وسله والو ډلو د خپل نفوذ لرلو په خاطر فعالیت او کارکوي.
د ورځپاڼې په وینا د حقاني شبکه قصدا ځان یوه سیمه ییزه لوبغاړې بولي او خپل فعالیتونه په سیمې پورې محدودوي ځکه په شمالي وزیرستان کې د دې شبکې پرمرکزونو د امریکایي بې پیلوټه الوتکو وروستیو بریدونو ته په پام سره له دې ویریږي، چې لکه د القاعده د مشر په سرنوشت اخته نشي.
واشنګټن پوست لیکي، د تروریزم ضد مبارزې د مرکز څیړنو دغه راز ښودلې چې دا به د امریکایي پالیسۍ جوړونکو تیروتنه وي، چې د افغانستان له پولو وړاندې د حقانې شبکې اغیزو ته په کمه سترګه وګوري.