د پاکستان د بهرنیوچارو وزارت ویاندې تهمینې جنجوعه د جمعې په ورځ وویل، چې امریکا او پاکستان به د تروریستي ډلو پرضد په ګډه عملیات وکړي او په دې کې به د استخباراتي معلوماتو شریکول هم شامل وي.
مېرمن جنجوعه دې پوښتنې ته، چې آیا امریکايي ځواکونو ته به له پاکستاني پوځیانو سره د ګډو عملیاتو اجازه ورکړل شي کنه، په ځواب کې وویل، چې نه غواړي په دې اړه جزییات څرګند کړي، خو دې په ډاګه کړه، چې د ملي حاکمیت موضوع ترهرڅه لوړه ده او هره مساله باید له پاکستان سره د سلامشورې له لارې اواره شي.
د پاکستاني چارواکو له خوا دا اعلان یوه اونۍ وروسته له هغه کېږي، چې د امریکا د بهرنیو چارو وزیرې هیليري کلینټن، اسلام آباد ته د سفر په ترڅ کې د پاکستان پر ملکي او پوځي چارواکو فشار راوړ چې د اسامه بن لادن له وژل کېدو وروسته د هغو ډلو پر ضد جدي اقدامات وکړي، چې په دې هېواد کې فعالیت کوي.
رویټر خبري اژانس لیکي، یو جګپوړي امریکايي مقام چې له مېرمن کلېنټن سره د پاکستان په سفر کې یوځای و، هغه مهال ویلي وو، ښايي په پاکستان کې د هغو افراطي ډلو پرضد چې نه یوازې په افغانستان کې د مېشتو نړیوالو ځواکونو، بلکې په نورو سیمو کې د لویدیځ د ګټو لپاره هم ګواښ بلل کېږي ځانګړي عملیات پیل شي.
د پاکستان د پلازمېنې په پنځوس کیلومترۍ کې یوه پوځي ګارنیزیون ته نژدې د اسامه بن لادن له موندنې او د امریکا د خاصو ځواکونو له خوا د هغه له وژل کېدو وروسته له افراطي ډلو سره د مبارزې په چاره کې د امریکا د شریک په توګه د پاکستان د ونډې په اړه نوي شکونه راوپارېدل.
د پاکستان او امریکا استخباراتي همکاري د روان میلادي کال په پیل کې هغه مهال وځنډېده چې د CIA یو قراردادي رېمونددېویس د دوو پاکستانیانو د وژنې په خاطر ونیول شو.
د واشنګټن او اسلام آباد په اړیکو کې د کړکېچ د یوې نښې په توګه پاکستاني چارواکو له امریکا غوښتنه وکړه، چې په دې هېواد کې خپل پوځي روزونکي چې شمېر یې یوسلودېرش دی راکم کړي.
د امریکا د وسله والو ځواکونو لوی درستیز ادمېرال مایک مولن د پنجشنبې په ورځ وویل؛ چې د دې روزونکو په شمېر کې به د پام وړ کموالی راشي خو دا شمېر به صفر ته راونه لوېږي.
رویټرز خبري آژانس د پاکستان د پوځ د متقاعد جنرال او د امنیتي چارو د کارپوه طلعت مسعود له قوله لیکي، چې وايي، د پاکستان او امریکا ترمینځ د ګډو عملیاتو بیا پیل مثبت ګام دی، خو دی زیاتوي، دواړه هېوادونه د له لاسه تللي اعتماد د احیا لپاره ډېر کار ته اړتیا لري. دی وايي چې دا بې اعتمادي به سمدستي له مینځه ولاړه نشي.
مېرمن جنجوعه دې پوښتنې ته، چې آیا امریکايي ځواکونو ته به له پاکستاني پوځیانو سره د ګډو عملیاتو اجازه ورکړل شي کنه، په ځواب کې وویل، چې نه غواړي په دې اړه جزییات څرګند کړي، خو دې په ډاګه کړه، چې د ملي حاکمیت موضوع ترهرڅه لوړه ده او هره مساله باید له پاکستان سره د سلامشورې له لارې اواره شي.
د پاکستاني چارواکو له خوا دا اعلان یوه اونۍ وروسته له هغه کېږي، چې د امریکا د بهرنیو چارو وزیرې هیليري کلینټن، اسلام آباد ته د سفر په ترڅ کې د پاکستان پر ملکي او پوځي چارواکو فشار راوړ چې د اسامه بن لادن له وژل کېدو وروسته د هغو ډلو پر ضد جدي اقدامات وکړي، چې په دې هېواد کې فعالیت کوي.
رویټر خبري اژانس لیکي، یو جګپوړي امریکايي مقام چې له مېرمن کلېنټن سره د پاکستان په سفر کې یوځای و، هغه مهال ویلي وو، ښايي په پاکستان کې د هغو افراطي ډلو پرضد چې نه یوازې په افغانستان کې د مېشتو نړیوالو ځواکونو، بلکې په نورو سیمو کې د لویدیځ د ګټو لپاره هم ګواښ بلل کېږي ځانګړي عملیات پیل شي.
د پاکستان د پلازمېنې په پنځوس کیلومترۍ کې یوه پوځي ګارنیزیون ته نژدې د اسامه بن لادن له موندنې او د امریکا د خاصو ځواکونو له خوا د هغه له وژل کېدو وروسته له افراطي ډلو سره د مبارزې په چاره کې د امریکا د شریک په توګه د پاکستان د ونډې په اړه نوي شکونه راوپارېدل.
د پاکستان او امریکا استخباراتي همکاري د روان میلادي کال په پیل کې هغه مهال وځنډېده چې د CIA یو قراردادي رېمونددېویس د دوو پاکستانیانو د وژنې په خاطر ونیول شو.
د واشنګټن او اسلام آباد په اړیکو کې د کړکېچ د یوې نښې په توګه پاکستاني چارواکو له امریکا غوښتنه وکړه، چې په دې هېواد کې خپل پوځي روزونکي چې شمېر یې یوسلودېرش دی راکم کړي.
د امریکا د وسله والو ځواکونو لوی درستیز ادمېرال مایک مولن د پنجشنبې په ورځ وویل؛ چې د دې روزونکو په شمېر کې به د پام وړ کموالی راشي خو دا شمېر به صفر ته راونه لوېږي.
رویټرز خبري آژانس د پاکستان د پوځ د متقاعد جنرال او د امنیتي چارو د کارپوه طلعت مسعود له قوله لیکي، چې وايي، د پاکستان او امریکا ترمینځ د ګډو عملیاتو بیا پیل مثبت ګام دی، خو دی زیاتوي، دواړه هېوادونه د له لاسه تللي اعتماد د احیا لپاره ډېر کار ته اړتیا لري. دی وايي چې دا بې اعتمادي به سمدستي له مینځه ولاړه نشي.