په تخار کې چارواکو تایید کړې، چې په شوې ځان وژونکې حمله کې د ۳۰۳ پامیر زون قومندان جنرال داؤد داؤد او د تخار د امنیې قومندان شاه جهان نوري له څلورو نورو کسانو سره یو ځای وژل شوي دي.
په سیمه کې د ازادۍ راډیو خبریال وایی، چې دا چاودنه دشنبې له ماسپښین وروسته هغه مهال د ولایت په ماڼۍ کې دننه وشوه، چې د تخار والي او جګپوړي امنیتي چارواکي په یوه مهمه امنیتي غونډه کې ناست وو.
د ملي اردو يوه مقام چې نه يې غوښتل نوم يې واخيستل شي، ازادۍ راډيو ته وويل بريد کوونکي د پوليسو درېشي په تن کړې وه، چې د غونډې تر ختمېدو وروسته يې چاودنه وکړه. تر اوسه د حمله کوونکي د هويت په باب چارواکو څه نه دي ويلي.
د افغانستان د کورنيو چارو وزارت هم د دې پېښې په باب تر اوسه عکس العمل نه دى څرګند کړى.
د ورکړل شویو رپورټونو له مخې په دې چاودنه کې د تخار والي عبدالجبار تقوا ټپي شوى دى.د تخار د روغتون مسوولينو هم تاييد کړې چې دغه چارواکي وژل شوي دي.
وسله والو طالبانو د حملې مسوولیت منلى او ویلي يې دي، چې دا حمله په یو داسې وخت کې شوې، چې امنیتي چارواکي په یوه غونډه کې ناست وو.
د دې ډلې ویاند ذبیح الله مجاهد د اوښتې مرګ ژوبلې په اړه نور جزئیات وړاندې نه کړل.
په يوه بل خبر کې ويل شوي چې د افغانستان د کورنيو چارو وزير بسم الله محمدي نن د يوه هيئت په مشرۍ د تخار د پېښې د څېړلو لپاره دغه ولايت ته لاړ. نوموړي د ولسي جرګې په نننۍ غونډه کې ژمنه وکړه چې د امنيتي وضعيت د ښه کولو لپاره به خپلې هڅې زياتوي.
په تخار کې وروستي ځانوژونکي بريد څه پيغام درلود؟دا لنک کیکاږئ
http://pa.azadiradio.org/content/article/24208362.html
په سیمه کې د ازادۍ راډیو خبریال وایی، چې دا چاودنه دشنبې له ماسپښین وروسته هغه مهال د ولایت په ماڼۍ کې دننه وشوه، چې د تخار والي او جګپوړي امنیتي چارواکي په یوه مهمه امنیتي غونډه کې ناست وو.
د ملي اردو يوه مقام چې نه يې غوښتل نوم يې واخيستل شي، ازادۍ راډيو ته وويل بريد کوونکي د پوليسو درېشي په تن کړې وه، چې د غونډې تر ختمېدو وروسته يې چاودنه وکړه. تر اوسه د حمله کوونکي د هويت په باب چارواکو څه نه دي ويلي.
د افغانستان د کورنيو چارو وزارت هم د دې پېښې په باب تر اوسه عکس العمل نه دى څرګند کړى.
د ورکړل شویو رپورټونو له مخې په دې چاودنه کې د تخار والي عبدالجبار تقوا ټپي شوى دى.د تخار د روغتون مسوولينو هم تاييد کړې چې دغه چارواکي وژل شوي دي.
وسله والو طالبانو د حملې مسوولیت منلى او ویلي يې دي، چې دا حمله په یو داسې وخت کې شوې، چې امنیتي چارواکي په یوه غونډه کې ناست وو.
د دې ډلې ویاند ذبیح الله مجاهد د اوښتې مرګ ژوبلې په اړه نور جزئیات وړاندې نه کړل.
په يوه بل خبر کې ويل شوي چې د افغانستان د کورنيو چارو وزير بسم الله محمدي نن د يوه هيئت په مشرۍ د تخار د پېښې د څېړلو لپاره دغه ولايت ته لاړ. نوموړي د ولسي جرګې په نننۍ غونډه کې ژمنه وکړه چې د امنيتي وضعيت د ښه کولو لپاره به خپلې هڅې زياتوي.
په تخار کې وروستي ځانوژونکي بريد څه پيغام درلود؟دا لنک کیکاږئ
http://pa.azadiradio.org/content/article/24208362.html