حقیق: د رایو بیا شمېرل به د ولسي جرګې په نتایجو ناوړه اغېزه وکړي

د افغانستان د ولسي جرګې د انتخاباتي دوسیو د څېړلو ځانګړې محکمه وايي، د رایو بیا شمېرنه به د ولسي جرګې په وروستیو نتایجو منفي اغېزه وکړي.

د ځانګړې محکمې مشر صدیق الله حقیق زیاتوي، چې د ولسي جرګې د معترضه کاندیدانو د حقوقي ادعاو د څېړلو لپاره يي ۳۱ ولایتونو ته پلاوي استولي دي.

د ښاغلي حقیق په وینا اوس مهال په ۱۱ ولایتونو هلمند، خوست، نورستان، بدخشان، بغلان، هرات او کونړ کې د رایو بیا شمېرنې روانې دي، چې په وینا يې په نږدې راتلونکي کې به په نورو ولایتونو کې هم دغه بهیر پیل شي.

په کابل کې د ازادي راډیو خبریالې ماریا صدیقي د ځانګړې محکمې له مشر صدیق الله حیقیق سره په ځانګړې مرکه کې ترې پوښتلي، چې د رایو بیا شمېرل په کومو ولایتونو کې پیل شوې ده.