هغه دولس تنه صرافان، چې د کابل ولایت د استیناف محکمې په خبره په انتخاباتي سرغړونو او درغلیو کې یې لاس درلود د شنبې په ورځ په ښکاره ډول محاکمه شول.
دغه کسان په دې تورن شوي، چې د افغانستان د ولسي جرګې د وږي د 27 مې په انتخاباتو کې د بریالیتوب لپاره د ځینو کسانو د رشوت پیسې تر مشخصو کسانو پورې ورسوي.
دغو دولسو تنو صرافانو ته له ځانه د دفاع په خاطر وخت ورکړل شو، چې خپله یا یې مدافع وکیلان دفاع وکړي.
د دوي په خبره چې اصلي تورن کسان نور دي، چې هغوي نه دي نیول شوي او دوي یوازې خپله د صرافۍ دنده سرته رسولې او کومه سیاسي او انتخاباتي موضوع یې په نظر کې نه وه نیولې.
د افغانستان د ولسي جرګې د انتخاباتي مبارزو پر وخت د پیسو ورکول او اخیستل یوه له لویو او جدي ستونزو او اندېښنو څخه وه.
د افغانستان لوی څارنوال محمد اسحاق الکو د مشرانو جرګې په یوه غونډه کې ویلي وه، چې وکیلانو د خپلې بریا په خاطر د کابل په شهزاده سرای کې د پیسو راکړه ورکړه کړې ده او ځینې صرافان هم په کې برخه لري.
د ولسي جرګې د انتخاباتو معترض کاندیدان هم دغه ډول مسایلو ته په کتو سره وايي، چې یو شمېر وکیلان قانوني اعتبار نه لري او باید د انتخاباتي درغلیو د څېړلو ځانګړې محکمه په دې اړه خپل کار په جدي توګه وکړي.
راپور-معصوم میوند- کابل
دغه کسان په دې تورن شوي، چې د افغانستان د ولسي جرګې د وږي د 27 مې په انتخاباتو کې د بریالیتوب لپاره د ځینو کسانو د رشوت پیسې تر مشخصو کسانو پورې ورسوي.
دغو دولسو تنو صرافانو ته له ځانه د دفاع په خاطر وخت ورکړل شو، چې خپله یا یې مدافع وکیلان دفاع وکړي.
د دوي په خبره چې اصلي تورن کسان نور دي، چې هغوي نه دي نیول شوي او دوي یوازې خپله د صرافۍ دنده سرته رسولې او کومه سیاسي او انتخاباتي موضوع یې په نظر کې نه وه نیولې.
د افغانستان د ولسي جرګې د انتخاباتي مبارزو پر وخت د پیسو ورکول او اخیستل یوه له لویو او جدي ستونزو او اندېښنو څخه وه.
د افغانستان لوی څارنوال محمد اسحاق الکو د مشرانو جرګې په یوه غونډه کې ویلي وه، چې وکیلانو د خپلې بریا په خاطر د کابل په شهزاده سرای کې د پیسو راکړه ورکړه کړې ده او ځینې صرافان هم په کې برخه لري.
د ولسي جرګې د انتخاباتو معترض کاندیدان هم دغه ډول مسایلو ته په کتو سره وايي، چې یو شمېر وکیلان قانوني اعتبار نه لري او باید د انتخاباتي درغلیو د څېړلو ځانګړې محکمه په دې اړه خپل کار په جدي توګه وکړي.
راپور-معصوم میوند- کابل