د امریکا لوی درستیز نن پاکستان ته مخه کړه، څو په دغه هېواد کې د افراطي مسلمانو ډلو په اړه خپلې اندېښنې پاکستاني چارواکو ته ورسوي. دغه ډلې تورنې شوې دي چې په افغانستان کې د ناټو په مشرۍ د بهرنیو ځواکونو پرضد بریدونه کوي.
اډمیریل مایک مولن اسلام اباد ته تر سفر مخکې په نوي ډهلي کې د جمعې په ورځ خبرې غونډې ته د جلال الدین حقاني د ډلې په ګډون په پاکستان کې د افراطي ډلو حضور ته اندیښنه څرګنده کړه.
ده د حقاني ډله په افغانستان کې د بهرنیو ځواکونو لپاره تر ټولو خونړۍ یاده کړه او ویې ویل، چې د حقاني د ډلې په اړه یې څو څو ځله له پاکستانه غوښتې دي چې مخه یې ونیسي.
مایک مولن چې دوه ورځې په هند کې و دا هم وویل، چې د پاکستان د استخباراتو اداره بدلون ته اړتیا لري، د افراطیانو د ځپلو لپاره ای ایس ای بنیادي تغییر ته اړتیا لري.
مایک مولن به نن د پاکستان له لوی درستیز جنرال اشفاق پرویز کیاني سره وګوري بیا به له صدراعظم یوسف رضا ګیلانی سره به خبرې وکړي.
بل لور ته د افغانستان او پاکستان لپاره د امریکا ځانګړي استازي ریچارد هولبروک د جمعې په ورځ وویل، چې پاکستان د افغانستان د حکومت له لوري د سولې له هلوځلو سره تر پخوا همکاري زیاته کړې ده، خو د پاکستان همکاري په هغه اندازه نه ده چې امریکا یې غواړي.
ریچارډ هولبروک، چې تازه د پاکستان له سیال هېواد هند څخه بریتانیا ته تللی، د پاکستان له لوري په څو برخو کې شوېو پرمختګونو ته اشاره وکړه او ویې ویل د پاکستان پوځ په خپله خاوره کې د پاکستاني سخت دریځو پرضد پراخ عملیات کړي، خو د افغان طالبانو د حقاني شبکې پرضد اقدام نه کوي او دا حقیقي ستونزه ده.
ریچارد هولبروک چې د بریتانیا له لوی درستیز ډیویډ ریچارډز او د بریتانیا له ملي سلاکار پیټرریکیټس سره له کتنې وروسته د خبریالانو پوښتنو ته ځوابونه ویل، همدا راز څرګنده کړه چې د پاکستان له همکارۍ پرته به د افغانستان جګړه دوام وکړي.
د افغانستان او پاکستان لپاره د امریکا خاص استازي ټينګار وکړ چې پاکستان همکاري کوي خو دا مرستې لا هغه حد ته نه دي رسېدلي چې تاسو یي هیله لري چې باید وي.
د رویټرز اژانس په وینا د پاکستان د پوځ له لوري په سرحدي سیمو کې عملیات د نړېوالو ځواکونو له لوري په افغانستان کې د ثبات راوستلو لپاره مهم ګڼل کېږي خو پاکستان په دې باور دی چې د حقاني له شبکې استفاده وکړي او هغه له ولسمشر کرزی سره د روغې خبرو ته کښینوي څو په دې ډول په افغانستان کې د هند د نفوذ مخه ونیسي.
اسلام اباد دا اندیښنه لري چې د راتلونکي میلادي کال له جولای وروسته که چیرته امریکایي سرتېري له افغانستانه وتل پیلوي هلته هند خپل نفوذ زیات نه کړي.
اډمیریل مایک مولن اسلام اباد ته تر سفر مخکې په نوي ډهلي کې د جمعې په ورځ خبرې غونډې ته د جلال الدین حقاني د ډلې په ګډون په پاکستان کې د افراطي ډلو حضور ته اندیښنه څرګنده کړه.
ده د حقاني ډله په افغانستان کې د بهرنیو ځواکونو لپاره تر ټولو خونړۍ یاده کړه او ویې ویل، چې د حقاني د ډلې په اړه یې څو څو ځله له پاکستانه غوښتې دي چې مخه یې ونیسي.
مایک مولن چې دوه ورځې په هند کې و دا هم وویل، چې د پاکستان د استخباراتو اداره بدلون ته اړتیا لري، د افراطیانو د ځپلو لپاره ای ایس ای بنیادي تغییر ته اړتیا لري.
مایک مولن به نن د پاکستان له لوی درستیز جنرال اشفاق پرویز کیاني سره وګوري بیا به له صدراعظم یوسف رضا ګیلانی سره به خبرې وکړي.
بل لور ته د افغانستان او پاکستان لپاره د امریکا ځانګړي استازي ریچارد هولبروک د جمعې په ورځ وویل، چې پاکستان د افغانستان د حکومت له لوري د سولې له هلوځلو سره تر پخوا همکاري زیاته کړې ده، خو د پاکستان همکاري په هغه اندازه نه ده چې امریکا یې غواړي.
ریچارډ هولبروک، چې تازه د پاکستان له سیال هېواد هند څخه بریتانیا ته تللی، د پاکستان له لوري په څو برخو کې شوېو پرمختګونو ته اشاره وکړه او ویې ویل د پاکستان پوځ په خپله خاوره کې د پاکستاني سخت دریځو پرضد پراخ عملیات کړي، خو د افغان طالبانو د حقاني شبکې پرضد اقدام نه کوي او دا حقیقي ستونزه ده.
ریچارد هولبروک چې د بریتانیا له لوی درستیز ډیویډ ریچارډز او د بریتانیا له ملي سلاکار پیټرریکیټس سره له کتنې وروسته د خبریالانو پوښتنو ته ځوابونه ویل، همدا راز څرګنده کړه چې د پاکستان له همکارۍ پرته به د افغانستان جګړه دوام وکړي.
د افغانستان او پاکستان لپاره د امریکا خاص استازي ټينګار وکړ چې پاکستان همکاري کوي خو دا مرستې لا هغه حد ته نه دي رسېدلي چې تاسو یي هیله لري چې باید وي.
د رویټرز اژانس په وینا د پاکستان د پوځ له لوري په سرحدي سیمو کې عملیات د نړېوالو ځواکونو له لوري په افغانستان کې د ثبات راوستلو لپاره مهم ګڼل کېږي خو پاکستان په دې باور دی چې د حقاني له شبکې استفاده وکړي او هغه له ولسمشر کرزی سره د روغې خبرو ته کښینوي څو په دې ډول په افغانستان کې د هند د نفوذ مخه ونیسي.
اسلام اباد دا اندیښنه لري چې د راتلونکي میلادي کال له جولای وروسته که چیرته امریکایي سرتېري له افغانستانه وتل پیلوي هلته هند خپل نفوذ زیات نه کړي.