اسرایلو لا دمخه په ډاګه کړې چې دغې کشتۍ ته به د غزې سواحلو ته د ورننوتو اجازه ورنه کړي.
په کشتۍ کې سپرو د مرستو تنظیمونکو له دې نه مخکې خبرداری ورکړی وه چې د اسرایلو لخوا غزې ته د کشتۍ د رسیدو د مخنیوي په وړاندې به مقاومت وکړي.
ددې وضیعت په اړه اندیښنه په دې خاطر مخ په زیاتیدو ده چې اسرایلو په مۍ میاشت کې غزې ته د کشتیو په تلونکي کاروان په برید کې نهه تنه فعالان ووژل .
اسرایلو د یونان دغه کشتۍ چې د مالدوا بیرغ پرې لګیدلی دی او د لیبیا مرستې په کې بار دي د مخنیوي او د هغې د مسیر بدلولو په هدف څلور جنګي کشتۍ استولي دي.
راپورونه وايي چې کشتۍ د چهار شنبې په ورځ د غزې له ساحل څخه د ۱۳۰ کیلومترو په واټن کې په انجن یا مشین کې د تخنیکي ستونزې له امله تم شوې ده.
د اسرایلو د ساینس او پوهنې وزیر د روانې اونۍ په سر کې یو ځل بیا ټینګار وکړ چې هیڅ ډول کشتۍ ته به غزې ته د ورتګ اجازه ورنکړي.
دانیل هرشکویتز خبر یالانو ته وویل:
((اسرایلو په دې اړه خپله تګلاره نه ده بدله کړې او دا پالیسي روښانه ده. هیڅ کومې کشتۍ ته غزې ته د ورتګ اجازه نه ورکول کیږي. که چیرته دوي غواړي چې د غزې خلکو ته بشري مرستې ورسوي نو ورته د اسرایلو د اشدود بندرله لارې هرکلی وایو.))
په کشتۍ کې ۲۰۰۰ټنه بشري مرستې چې د لیبیا د مشر معمر القذافي د زوی سیف الاسلام قذافي لخوا تنظیم شوي بار دي او د ۱۲ تنو عملې په ګډون ۱۵ تنه فلسطیني پلوه فعالان هم په کې سپاره دي.
له دې نه مخکې د مصر حکومت وویل که چیرته د مرستو دغه کشتۍ د دوی عریش ساحل ته ورسیږي نو مصر به د مځکې له لارې د کشتۍ بشري مرستې د غزې خلکو ته انتقال کړي.
بل لور ته په یونان کې د چهارشنبې په ورځ د کارګرانو ټولنې چې د کمونسټ ګوند ملاتړ ورسره دی او غزې ته د مرستو د کشتیو پلوي کوي د اتن په نړیوال هوايي ډګر د اسرایلو د پالیسۍ په وړاندې د عکس العمل څرګندولو په لړ کې دغه هیواد ته رواندیونکۍ یو پرواز وځنډوه.
په کشتۍ کې سپرو د مرستو تنظیمونکو له دې نه مخکې خبرداری ورکړی وه چې د اسرایلو لخوا غزې ته د کشتۍ د رسیدو د مخنیوي په وړاندې به مقاومت وکړي.
ددې وضیعت په اړه اندیښنه په دې خاطر مخ په زیاتیدو ده چې اسرایلو په مۍ میاشت کې غزې ته د کشتیو په تلونکي کاروان په برید کې نهه تنه فعالان ووژل .
اسرایلو د یونان دغه کشتۍ چې د مالدوا بیرغ پرې لګیدلی دی او د لیبیا مرستې په کې بار دي د مخنیوي او د هغې د مسیر بدلولو په هدف څلور جنګي کشتۍ استولي دي.
راپورونه وايي چې کشتۍ د چهار شنبې په ورځ د غزې له ساحل څخه د ۱۳۰ کیلومترو په واټن کې په انجن یا مشین کې د تخنیکي ستونزې له امله تم شوې ده.
د اسرایلو د ساینس او پوهنې وزیر د روانې اونۍ په سر کې یو ځل بیا ټینګار وکړ چې هیڅ ډول کشتۍ ته به غزې ته د ورتګ اجازه ورنکړي.
دانیل هرشکویتز خبر یالانو ته وویل:
((اسرایلو په دې اړه خپله تګلاره نه ده بدله کړې او دا پالیسي روښانه ده. هیڅ کومې کشتۍ ته غزې ته د ورتګ اجازه نه ورکول کیږي. که چیرته دوي غواړي چې د غزې خلکو ته بشري مرستې ورسوي نو ورته د اسرایلو د اشدود بندرله لارې هرکلی وایو.))
په کشتۍ کې ۲۰۰۰ټنه بشري مرستې چې د لیبیا د مشر معمر القذافي د زوی سیف الاسلام قذافي لخوا تنظیم شوي بار دي او د ۱۲ تنو عملې په ګډون ۱۵ تنه فلسطیني پلوه فعالان هم په کې سپاره دي.
له دې نه مخکې د مصر حکومت وویل که چیرته د مرستو دغه کشتۍ د دوی عریش ساحل ته ورسیږي نو مصر به د مځکې له لارې د کشتۍ بشري مرستې د غزې خلکو ته انتقال کړي.
بل لور ته په یونان کې د چهارشنبې په ورځ د کارګرانو ټولنې چې د کمونسټ ګوند ملاتړ ورسره دی او غزې ته د مرستو د کشتیو پلوي کوي د اتن په نړیوال هوايي ډګر د اسرایلو د پالیسۍ په وړاندې د عکس العمل څرګندولو په لړ کې دغه هیواد ته رواندیونکۍ یو پرواز وځنډوه.