ډګرجنرال ویلیم کالدویل چې د ناټو په چوکاټ کې د افغان امنیتي ځواکونو د روزنې مسوول دی وايي د افغان پولیسو په لیکو کې په سلو کې اتیا بیسوادي، فساد او د روزل شویو افرادو کمی د دې ځواک د ودې په لاره کې لوی خنډونه دي.
دا په داسې حال کې ده چې ناټو غواړي تر ۲۰۱۱ کاله پورې د افغان پولیسو او ملي اردو د سرتېرو شمېر له درې سوه زرو واړوي.
امریکا او متحدان یې په پام کې لري چې په راتلونکي میلادي کال له افغانستانه د خپلو ځواکونو اېستل پیل کړي نوځکه د افغان ځواکونو روزنه د ناټو د هغې ستراتیژۍ لپاره هم ډېر اهمیت لري چې غواړي د امنیتي چارو مسوولیت بالاخره افغانانو ته وسپاري.
خو امریکایی جنرال ویلیم کالډوېل په دې اړه اندېښنه وښوده ویې ویل چې د افغان پولیسو مسلکي کول د یوې ورځې کار نه دی. ده زیاته کړه، دا په رښتیا سره یوه ستونزه ده ځکه د پولیسو زیات شمېر افرادو ته چې په دې ځواک کې دنده سرته رسوي، مسلکي روزنه نه ده ورکړل شوې.
جنرال کالډوېل چې د ایټالیا په مرکز روم کې خبریالانو ته وینا کوله وویل، افغان پولیسو ته د بشري حقونو درس نه دی ورکړل شوی او دا نه دي ورته ویل شوي چې دوی د خلکو د خدمت لپاره دي.
ده زیاته کړه، ناټو د پولیسو او ملي اردو د سرتېرو لپاره چې د لوستو کسانو شمېر یې په سلو کې شل دی د سواد زده کړې کورسونه جوړ کړي دي. جنرال کالډوېل همداراز یادونه وکړه چې د سواد زده کړې په برخه کې د ناټو تمه ډېره زیاته نه ده او اوس مهال ټول تمرکز پر دې دی چې دوی ته یوازې ابتدايي سواد ورزده کړي نه د دولس کال د یوه فارغ په سویه.
د ناټو دې چارواکي وویل چې د پولیسو بېسوادۍ حتی په ډېرو ساده مواردو کې دوی ته ستونزې جوړې کړې دي. ده په دې برخه کې د مثالونو یادونه وکړه ویې ویل، چې یو پولیس باید د اړتیا په وخت کې ځینې یادداشتونه او د موټرو نمبرپلېټونه ولیکلای شي، باید له یوه چا نه سند واخیستلای شي او نور دې ورته کارونه وکړي، خو که سواد ونلري نو د پولیسو د یوه سرتېري یا افسر په توګه به د خپلې دندې په سرته رسولو کې له ډېرو ستونزو سره مخامخ شي.
ډګرجنرال ویلیم کالډوېل ومنله چې فساد د افغان پولیسو په لیکو کې تر ټولو لویه ستونزه ده. ناټو غواړي چې د لوړو معاشونو د ورکولو او په چارو کې د شفافیت له لارې دا ستونزه حل کړي.
ښاغلي کالډوېل وویل، په دې کې هېڅ شک نشته چې فساد یوه عمده ستونزه ده او ټول په دې خبره متفق دي. د افغان امنیتي ځواکونو د روزنې د مسوول ډګر جنرال ویلیم کالډویل په وینا، د دې ستونزې د حل لپاره باید داسې شرایط رامینځ ته شي چې افغان پولیس د فساد له عادته لاس واخلي.
دا په داسې حال کې ده چې ناټو غواړي تر ۲۰۱۱ کاله پورې د افغان پولیسو او ملي اردو د سرتېرو شمېر له درې سوه زرو واړوي.
امریکا او متحدان یې په پام کې لري چې په راتلونکي میلادي کال له افغانستانه د خپلو ځواکونو اېستل پیل کړي نوځکه د افغان ځواکونو روزنه د ناټو د هغې ستراتیژۍ لپاره هم ډېر اهمیت لري چې غواړي د امنیتي چارو مسوولیت بالاخره افغانانو ته وسپاري.
خو امریکایی جنرال ویلیم کالډوېل په دې اړه اندېښنه وښوده ویې ویل چې د افغان پولیسو مسلکي کول د یوې ورځې کار نه دی. ده زیاته کړه، دا په رښتیا سره یوه ستونزه ده ځکه د پولیسو زیات شمېر افرادو ته چې په دې ځواک کې دنده سرته رسوي، مسلکي روزنه نه ده ورکړل شوې.
جنرال کالډوېل چې د ایټالیا په مرکز روم کې خبریالانو ته وینا کوله وویل، افغان پولیسو ته د بشري حقونو درس نه دی ورکړل شوی او دا نه دي ورته ویل شوي چې دوی د خلکو د خدمت لپاره دي.
ده زیاته کړه، ناټو د پولیسو او ملي اردو د سرتېرو لپاره چې د لوستو کسانو شمېر یې په سلو کې شل دی د سواد زده کړې کورسونه جوړ کړي دي. جنرال کالډوېل همداراز یادونه وکړه چې د سواد زده کړې په برخه کې د ناټو تمه ډېره زیاته نه ده او اوس مهال ټول تمرکز پر دې دی چې دوی ته یوازې ابتدايي سواد ورزده کړي نه د دولس کال د یوه فارغ په سویه.
د ناټو دې چارواکي وویل چې د پولیسو بېسوادۍ حتی په ډېرو ساده مواردو کې دوی ته ستونزې جوړې کړې دي. ده په دې برخه کې د مثالونو یادونه وکړه ویې ویل، چې یو پولیس باید د اړتیا په وخت کې ځینې یادداشتونه او د موټرو نمبرپلېټونه ولیکلای شي، باید له یوه چا نه سند واخیستلای شي او نور دې ورته کارونه وکړي، خو که سواد ونلري نو د پولیسو د یوه سرتېري یا افسر په توګه به د خپلې دندې په سرته رسولو کې له ډېرو ستونزو سره مخامخ شي.
ډګرجنرال ویلیم کالډوېل ومنله چې فساد د افغان پولیسو په لیکو کې تر ټولو لویه ستونزه ده. ناټو غواړي چې د لوړو معاشونو د ورکولو او په چارو کې د شفافیت له لارې دا ستونزه حل کړي.
ښاغلي کالډوېل وویل، په دې کې هېڅ شک نشته چې فساد یوه عمده ستونزه ده او ټول په دې خبره متفق دي. د افغان امنیتي ځواکونو د روزنې د مسوول ډګر جنرال ویلیم کالډویل په وینا، د دې ستونزې د حل لپاره باید داسې شرایط رامینځ ته شي چې افغان پولیس د فساد له عادته لاس واخلي.