د افغانستان د كورنيو چارو وزارت د ميدان وردك په دايميرداد او بهسودو ولسواليو كې ښكيلو اړخونو ته خبرداری وركړ، كه چېرې د اوسنۍ كړكيچ د حل لپاره خبرو ته حاضر نه شي نو د امنيتي ځواكونو له خوا به ورسره قانوني چلند وشي.
په تېرو څو ورځو كې د ميدان وردګو ولايت په بهسود او دايميرداد ولسواليو كې د كوچيانو او هزارګانو ترمنځ د ځمكو او څړځايونو په سر نښتې شوي، چې په ترڅ كې يې د مرګ ژوبلې راپورونه هم وركول شوي.
د دې نښتو په تعقيب د كورنيو چارو وزير محمد حنيف اتمر د سې شنبي په ورځ په كابل كې خبريالانو ته وويل، چې په ميدان وردګو ولايت كې يې د دواړو قهرجنو ډلو د بيا نښتې د مخنيوي په هڅه كې سيمې ته نور ځواكونه استولي دي.
"د ملي اردو او ملي پوليسو تازه دمي ځواكونه نن سهار سيمې ته استول شوي دي، د افغان امنيتي ځواكونه په قوت سره په دې سيمو كې د اوسيدونكو خلكو دفاع کوي او هڅه كوي، د هغو ډلو د ورنكارۍ مخه ونيسي چې غواړي زموږ خلك له كليو څخه وباسي."
دا لومړی ځل نه دی، چې د كوچيانو او هزارګانو ترمنځ د څړځايونو په سر لانجې كيږي، مخكې له دې د ميدان وردګو ولايت په ګډون په يو شمېر نورو مركزي ولايتونو كې هم د كوچيانو او هزارګانو ترمينځ نښتې شوي دي.
د جمهور رييس دوهم مرستيال ويلي دي، چې په ميدان وردګو ولايت كې د هزارګانو او كوچيانو ترمنځ په نښتو كې نورې ډلې لاس لري او هڅه كوي حالات ګډوډ كړي.
د كورنيو چارو وزير هم د دې خبري د پخلي ترڅنګ وايي، چې دوی به ډېر ژر د دې ډلو د ورانكاره فعاليت مخه ونيسي.
"موضوع له ورايه داسې ښكاري، چې دا موضوع سيمه ايزه نه ده بلكې داسې كسان يې تر شا كار كوي، چې زموږ د خلكو ژوند او امنيت خراب كړي، خو په هرصورت زموږ پيغام دې ډلو ته دا دی، چې موږ ژمن يو د خپلو خلكو له ژوند او امنيت څخه دفاع وكړو."
تل د هزارګانو او كوچيانو په جګړو كې د نورو ډلو د لاس وهنې خبري شوي دي خو لا نه ده روښانه چې كومې ډلې غواړي هزارګان او كوچيان په وير ككړ كړي.
افغان حكومت د دې ستونزې د حل لپاره څو كاله مخكې يو كميسيون جوړ كړی دی، خو دې تازه نښتو دا وښودله چې دا كميسيون نه دی توانيدلي دغه ستونزه هواره كړي.
له بل لوري كتونكي بيا د دواړو لوريو مشران په دې تورنوي، چې له دې حالت نه د ځان په ګټه كار اخلي.
راپور: ذكيه غياثي
په تېرو څو ورځو كې د ميدان وردګو ولايت په بهسود او دايميرداد ولسواليو كې د كوچيانو او هزارګانو ترمنځ د ځمكو او څړځايونو په سر نښتې شوي، چې په ترڅ كې يې د مرګ ژوبلې راپورونه هم وركول شوي.
د دې نښتو په تعقيب د كورنيو چارو وزير محمد حنيف اتمر د سې شنبي په ورځ په كابل كې خبريالانو ته وويل، چې په ميدان وردګو ولايت كې يې د دواړو قهرجنو ډلو د بيا نښتې د مخنيوي په هڅه كې سيمې ته نور ځواكونه استولي دي.
"د ملي اردو او ملي پوليسو تازه دمي ځواكونه نن سهار سيمې ته استول شوي دي، د افغان امنيتي ځواكونه په قوت سره په دې سيمو كې د اوسيدونكو خلكو دفاع کوي او هڅه كوي، د هغو ډلو د ورنكارۍ مخه ونيسي چې غواړي زموږ خلك له كليو څخه وباسي."
دا لومړی ځل نه دی، چې د كوچيانو او هزارګانو ترمنځ د څړځايونو په سر لانجې كيږي، مخكې له دې د ميدان وردګو ولايت په ګډون په يو شمېر نورو مركزي ولايتونو كې هم د كوچيانو او هزارګانو ترمينځ نښتې شوي دي.
د جمهور رييس دوهم مرستيال ويلي دي، چې په ميدان وردګو ولايت كې د هزارګانو او كوچيانو ترمنځ په نښتو كې نورې ډلې لاس لري او هڅه كوي حالات ګډوډ كړي.
د كورنيو چارو وزير هم د دې خبري د پخلي ترڅنګ وايي، چې دوی به ډېر ژر د دې ډلو د ورانكاره فعاليت مخه ونيسي.
"موضوع له ورايه داسې ښكاري، چې دا موضوع سيمه ايزه نه ده بلكې داسې كسان يې تر شا كار كوي، چې زموږ د خلكو ژوند او امنيت خراب كړي، خو په هرصورت زموږ پيغام دې ډلو ته دا دی، چې موږ ژمن يو د خپلو خلكو له ژوند او امنيت څخه دفاع وكړو."
تل د هزارګانو او كوچيانو په جګړو كې د نورو ډلو د لاس وهنې خبري شوي دي خو لا نه ده روښانه چې كومې ډلې غواړي هزارګان او كوچيان په وير ككړ كړي.
افغان حكومت د دې ستونزې د حل لپاره څو كاله مخكې يو كميسيون جوړ كړی دی، خو دې تازه نښتو دا وښودله چې دا كميسيون نه دی توانيدلي دغه ستونزه هواره كړي.
له بل لوري كتونكي بيا د دواړو لوريو مشران په دې تورنوي، چې له دې حالت نه د ځان په ګټه كار اخلي.
راپور: ذكيه غياثي