اوس مهال د افغانستان د نورو ولايتونو تر څنګ په كابل كې سلګونه بې كسه، بې وسه او وږي كوچنيان د يوې مړۍ ډوډۍ د پيدا كولو او ژوندي پاتي كېدو لپاره خورا درانه، زړه خوړونكي كارونه كوي او ځيني يې د ښار په سړكونو او كوڅو كې سوال كوي.
ميوند او مشره خور يې د خپلي مور سره د كابل د سرې مياشتي په يوه مرستون كې ژوند كوي، دوى دواړو خيرن او زاړه كالي اغوستي و او د خپلو ستونزو او غوښتنو په اړه يې ازادي راډيو ته وويل، چې درسي كتابونه نه لري او په شخصي درسي مركزونو كې درس نه شي ويلى.
د دغو افغان كوچنيانو سره د سرې مياشتي او ځينو نورو مرسته كوونكو ادارو له خوا مرستې كېږي، چې دوى ته د درس زمينه برابره كړي.
عزيزي بنسټ هم يو له هغو ادارو څخه دى، چې د بې كسو كوچنيانو سره مرستې كوي او وايي، چې د كابل د سرې مياشتي د يوه مرستون د كوچنيانو سره به خپلي مرستي رواني ساتي.
د دغه بنسټ اجرايوي رييس رضا محمودي وايي، چې دوى به د هيواد په نورو ولايتونو كې هم خپلې مرستې پيل كړي.
"عزيزي بنسټ به د ۱۲۶ تنو بې كسو كوچنيانو سره خپلي دوامدارې مرستې وكړي، موږ نن خپلې مرستي له كابله پيل كړي او هيله مو دا ده، چې وتوانيږو د هيواد په ۵ نورو ولايتونو كې هم د يتيمو او بې كسو كوچنيانو سره مرستې وكړوږ."
د افغانستان د سرې مياشتي ریيسه فاطمه ګيلاني وايي، چې په هېواد كې د بې كسو كوچنيانو او بې وزلو خلكو شمېر ډېر شوى دى.
دا وايي، چې افغان سوداګر د سرې مياشتي سره مرسته كوي خو په افغانستان كې د يتيمانو او بې وزلو كورنيو شمېر خورا ډېر دى.
"افغان سوداګر رښتيا هم له سرې مياشتي سره مرسته كوي خو، د يتيمانو او كونډو شمېر په افغانستان كې خورا ډېر دى.
په افغانستان كې په ميليونونو كوچنيان مرستو ته اړ دي، موږ يوازې كولاى شو چې د ټولنې د ډېرو اړينو او بې وزلو كوچنيانو او كورنيو سره مرستي وكړو."
د سرې مياشتي چارواكي وايي، چې كه افغان سوداګر او مرسته كوونكي ادارې له دوى سره مرستې وكړي، نو دوى به بې كسو افغان كوچنيانو او كورنيو ته د زده كړي او سرپناه برابرولو په برخه كې لا ډيرې هلې ځلې وكړي.
د راپورونو له مخې په افغانستان كې په لكونو بې كسه او بې وزلي كوچنيان ژوند كوي، چې د روغتيا، پوهنې او نورو خدمتونو بې برخې پاتې دي.
د افغان څېړونكو په خبره چې دغو بې كسو كوچينانو ته بايد د درس اسانتياوي برابرې شي له درنو كارونو څخه وژغورل شي، كه نه نو د افغانستان د راتلونکی نسل دا برخه به په لوى لاس برباد شوی وي.
معصوم ميوند- كابل
ميوند او مشره خور يې د خپلي مور سره د كابل د سرې مياشتي په يوه مرستون كې ژوند كوي، دوى دواړو خيرن او زاړه كالي اغوستي و او د خپلو ستونزو او غوښتنو په اړه يې ازادي راډيو ته وويل، چې درسي كتابونه نه لري او په شخصي درسي مركزونو كې درس نه شي ويلى.
د دغو افغان كوچنيانو سره د سرې مياشتي او ځينو نورو مرسته كوونكو ادارو له خوا مرستې كېږي، چې دوى ته د درس زمينه برابره كړي.
عزيزي بنسټ هم يو له هغو ادارو څخه دى، چې د بې كسو كوچنيانو سره مرستې كوي او وايي، چې د كابل د سرې مياشتي د يوه مرستون د كوچنيانو سره به خپلي مرستي رواني ساتي.
د دغه بنسټ اجرايوي رييس رضا محمودي وايي، چې دوى به د هيواد په نورو ولايتونو كې هم خپلې مرستې پيل كړي.
"عزيزي بنسټ به د ۱۲۶ تنو بې كسو كوچنيانو سره خپلي دوامدارې مرستې وكړي، موږ نن خپلې مرستي له كابله پيل كړي او هيله مو دا ده، چې وتوانيږو د هيواد په ۵ نورو ولايتونو كې هم د يتيمو او بې كسو كوچنيانو سره مرستې وكړوږ."
د افغانستان د سرې مياشتي ریيسه فاطمه ګيلاني وايي، چې په هېواد كې د بې كسو كوچنيانو او بې وزلو خلكو شمېر ډېر شوى دى.
دا وايي، چې افغان سوداګر د سرې مياشتي سره مرسته كوي خو په افغانستان كې د يتيمانو او بې وزلو كورنيو شمېر خورا ډېر دى.
"افغان سوداګر رښتيا هم له سرې مياشتي سره مرسته كوي خو، د يتيمانو او كونډو شمېر په افغانستان كې خورا ډېر دى.
په افغانستان كې په ميليونونو كوچنيان مرستو ته اړ دي، موږ يوازې كولاى شو چې د ټولنې د ډېرو اړينو او بې وزلو كوچنيانو او كورنيو سره مرستي وكړو."
د سرې مياشتي چارواكي وايي، چې كه افغان سوداګر او مرسته كوونكي ادارې له دوى سره مرستې وكړي، نو دوى به بې كسو افغان كوچنيانو او كورنيو ته د زده كړي او سرپناه برابرولو په برخه كې لا ډيرې هلې ځلې وكړي.
د راپورونو له مخې په افغانستان كې په لكونو بې كسه او بې وزلي كوچنيان ژوند كوي، چې د روغتيا، پوهنې او نورو خدمتونو بې برخې پاتې دي.
د افغان څېړونكو په خبره چې دغو بې كسو كوچينانو ته بايد د درس اسانتياوي برابرې شي له درنو كارونو څخه وژغورل شي، كه نه نو د افغانستان د راتلونکی نسل دا برخه به په لوى لاس برباد شوی وي.
معصوم ميوند- كابل