د افغان امنيتي ځواكونو پياوړې كول، له وسلوالو مخالفينو سره پخلاينه او د ولسي جرګې را روان انتخابات هغه مسايل دي، چې افغان ولسمشر به يي له خپل امريكايي سيال سره په ليدنه كې مطرح كړي.
ولسمشر كرزې، چې د كابينې يو شمېر مهم غړي ور سره ملګري دي، د يكشنبې په ورځ واشنګټن ته تللی او د دغه هېواد له مشرانو سره په خبرو بوخت دې.
د ولسمشر حامد كرزي وياند وحيد عمر دا سفر په تېرو اتو كلونو كې زيات مهم وباله او ويي ويل، چې دا به په افغانستان كې د امنيت د ټينګښت او اقتصادي ودې په برخه كې مهم رول ولوبوي.
ښاغلي عمر، چې د چهارشنبې په ورځ سهار له واشنګټن نه د يوې ويډيويي خبري غونډې له لارې غږيده وويل، چې افغان او امريكايي مشران به نن په سپينه ماڼۍ كې په خپلو كې وګوري، هغه د دې ليدنې د اجنډا په اړه په خپلو خبرو كې وويل:
"موږ هيله مند يو، چې دا ليدنه د دې سبب شي، چې د امريكا متحده ايالات د افغانستان په اړه نورې ژمنې هم وكړي او په ځواب كې د افغانستان دولت به هم د ښه حكومتدارۍ او د فساد پر ضد د جدي مبارزې په برخه كې خپلې ژمنې تازه كړي.
د دې تر څنګ به افغان ولسمشر د افغان امنيتي ځواكونو د پياوړې كولو او سمبالولو، له مخالفينو سره د پخلاينې او د ولسي جرګې د راتلونكو انتخاباتو په اړه هم خبرې وكړي."
افغان ولسمشر واشنګټن ته دا خبرې وروسته له هغې كړې، چې اوس اوس د لفظي شخړو يوې څپې د دواړو هېوادونو تر منځ د اړيكو په اړه يو لړ پوښتنې پيدا كړې.
د وحيد عمر په وينا افغان ولسمشر تر اوسه پورې د امريكا د بهرنيو چارو د وزيرې په ګډون له يو شمېر چارواكو سره ليدلي، چې په كې د دواړو هېوادونو تر منځ د اړيكو سربيره په افغانستان كې د سولې په هڅو خبرې شوي او د دغو هڅو پراخ ملاتړ وشو.
كتونكي بيا دا سفر په داسې حال كې، چې د كابل او واشنګټن ترمنځ اړيكې له څه سونزو سره مخ شوي د سياسي پلوه مهم بولي.
افغان كتونكې او د كابل پوهنتون د حقوقو او سياسي علومو استاد نصراله ستانكزې ددې سفر پايلو ته د افغان مشرانو خوشبينې بې ځايه نه بولي او وايي، چې امريكا او افغانستان د همكارۍ پرته بله لار نه لري:
"له سياسي پلوه د كرزي دا سفر د اهميت وړ ځكه دى، چې دا يو ستراتيژيك دى، هغه په دې مانا چې د كابل او واشنګټن ترمنځ په اړيكو كې يو څه ستونزې رامنځته شوې وې خصوصا د اوباما له راتګ نه وروسته.
فكر كيږي دغه ستونزې به په دې سفر كې حل شي."
د افغانستان او امريكا تر منځ اړيكو په تېر څه باندې يو كال كې، چې په امريكا كې د بارك اوباما اداره جوړه شوې، زياتې لوړې ژورې تجربه كړي، چې اساسي علت يي هم د حامد كرزي په وړاندې د اوباما د ادارې سخت چلند ښودل كيږي.
كه څه هم واشنګټن ته د حامد كرزي له دې سفر سره په دغه دريځ كې د بدلون په اړه زياتې هيلې تړل شوي، خو دا چې دا هيلې څومره پر ځاى دي دا به د دواړو هېوادونو د مشرانو تر منځ د خبرو پايلې روښانه كړې.
ولسمشر كرزې، چې د كابينې يو شمېر مهم غړي ور سره ملګري دي، د يكشنبې په ورځ واشنګټن ته تللی او د دغه هېواد له مشرانو سره په خبرو بوخت دې.
د ولسمشر حامد كرزي وياند وحيد عمر دا سفر په تېرو اتو كلونو كې زيات مهم وباله او ويي ويل، چې دا به په افغانستان كې د امنيت د ټينګښت او اقتصادي ودې په برخه كې مهم رول ولوبوي.
ښاغلي عمر، چې د چهارشنبې په ورځ سهار له واشنګټن نه د يوې ويډيويي خبري غونډې له لارې غږيده وويل، چې افغان او امريكايي مشران به نن په سپينه ماڼۍ كې په خپلو كې وګوري، هغه د دې ليدنې د اجنډا په اړه په خپلو خبرو كې وويل:
"موږ هيله مند يو، چې دا ليدنه د دې سبب شي، چې د امريكا متحده ايالات د افغانستان په اړه نورې ژمنې هم وكړي او په ځواب كې د افغانستان دولت به هم د ښه حكومتدارۍ او د فساد پر ضد د جدي مبارزې په برخه كې خپلې ژمنې تازه كړي.
د دې تر څنګ به افغان ولسمشر د افغان امنيتي ځواكونو د پياوړې كولو او سمبالولو، له مخالفينو سره د پخلاينې او د ولسي جرګې د راتلونكو انتخاباتو په اړه هم خبرې وكړي."
افغان ولسمشر واشنګټن ته دا خبرې وروسته له هغې كړې، چې اوس اوس د لفظي شخړو يوې څپې د دواړو هېوادونو تر منځ د اړيكو په اړه يو لړ پوښتنې پيدا كړې.
د وحيد عمر په وينا افغان ولسمشر تر اوسه پورې د امريكا د بهرنيو چارو د وزيرې په ګډون له يو شمېر چارواكو سره ليدلي، چې په كې د دواړو هېوادونو تر منځ د اړيكو سربيره په افغانستان كې د سولې په هڅو خبرې شوي او د دغو هڅو پراخ ملاتړ وشو.
كتونكي بيا دا سفر په داسې حال كې، چې د كابل او واشنګټن ترمنځ اړيكې له څه سونزو سره مخ شوي د سياسي پلوه مهم بولي.
افغان كتونكې او د كابل پوهنتون د حقوقو او سياسي علومو استاد نصراله ستانكزې ددې سفر پايلو ته د افغان مشرانو خوشبينې بې ځايه نه بولي او وايي، چې امريكا او افغانستان د همكارۍ پرته بله لار نه لري:
"له سياسي پلوه د كرزي دا سفر د اهميت وړ ځكه دى، چې دا يو ستراتيژيك دى، هغه په دې مانا چې د كابل او واشنګټن ترمنځ په اړيكو كې يو څه ستونزې رامنځته شوې وې خصوصا د اوباما له راتګ نه وروسته.
فكر كيږي دغه ستونزې به په دې سفر كې حل شي."
د افغانستان او امريكا تر منځ اړيكو په تېر څه باندې يو كال كې، چې په امريكا كې د بارك اوباما اداره جوړه شوې، زياتې لوړې ژورې تجربه كړي، چې اساسي علت يي هم د حامد كرزي په وړاندې د اوباما د ادارې سخت چلند ښودل كيږي.
كه څه هم واشنګټن ته د حامد كرزي له دې سفر سره په دغه دريځ كې د بدلون په اړه زياتې هيلې تړل شوي، خو دا چې دا هيلې څومره پر ځاى دي دا به د دواړو هېوادونو د مشرانو تر منځ د خبرو پايلې روښانه كړې.