د افغانستان د حكومت او رسنيو ترمنځ د هغو نوېو مقرراتو پر سر اختلافات تر سترګو كيږي، چې له مخې يې حكومت له رسنيو په ټينګه غوښتي، د هغه څه له خپرولو ډډه وكړي چې له نورو هېوادونو سره د دغه هېواد د اړيكو د خرابېدو سبب كيږي.
دا غوښتنې د افغانستان د رسنيو د سرغړونو د څيړنې كميسيون له خوا د يوې اعلاميې په خپرولو سره په داسې وخت كې مطرح كيږي، چې د كابل د خلكو او رسنيو په منځ كې د افغان زندانيانو د اعدامولو له امله پر ايراني حكومت انتقادونو او اعتراضونو زور اخيستى دى.
د افغانستان د خپلواكو ژورناليستانو د ټولنې مشر رحيم الله سمندر وايي، د دې ټولو مسايلو په اړه د افغانستان قوانين څرګند دريځ لري، خو حكومت د نوېو اعلاميو په خپرولو سره پر رسنيو د سانسور هڅه كوي.
د نوموړي په وينا ياده شوې اعلاميه د ايران د حكومت د فشار له امله خپره شوې. سمندر ازادۍ راډيو ته وويل، افغان رسنۍ به هيڅ نوېو مقرراتو ته غاړه كښينه ږدي:
سمندر همدا راز وويل، چې د افغانستان د رسنيو د سرغړونو اوسنۍ كميسيون كوم قانوني حيثيت نه لري، ځكه چې د هغه په وينا د رسنيو نوى قانون نافذ شوى او بايد چې د دې پر ځاى نوى كميسيون رامنځ ته شوى و.
د افغانستان د رسنيو د سرغړونو د څيړنې كميسيون له خوا په خپره شوې اعلاميې كې له رسنيو په ټينګه غوښتل شوي چې په خپلو خپرونو كې د افغانستان او نورو هېوادونو ترمنځ بين المللي ميثاقونه په پام كې ونيسي، نورو اديانو او مذهبونو ته له سپكاوي او پر شخصيتونو د تور لګولو نه ډډه وكړي كه نه نو ترعدلي څار لاندې به راشي.
بل خوا د افغانستان د اطلاعاتو او فرهنګ وزير وايي، چې دا نوې غوښتنې هيڅكله پر رسنيو د محدوديت په مانا نه دي.
د افغانستان حكومت پخوا هم د بېلابېلو اعلاميو په خپرولو سره رسنيو ته لارښوونې كړي او په ځينو مواردو كې يې خبردارى هم وركړى دى.
كه څه هم د رسنيو زياتره كاركوونكي د دارنګه اعلاميو خپرول د حكومت له خوا د سانسور هڅې بولي خو افغان چارواكي استدلال كوي، چې كله نا كله رسنۍ په خپلو خپرونو كې ملي او نړېوال اصول او قوانين تر پښو لاندې كوي.
دا غوښتنې د افغانستان د رسنيو د سرغړونو د څيړنې كميسيون له خوا د يوې اعلاميې په خپرولو سره په داسې وخت كې مطرح كيږي، چې د كابل د خلكو او رسنيو په منځ كې د افغان زندانيانو د اعدامولو له امله پر ايراني حكومت انتقادونو او اعتراضونو زور اخيستى دى.
د افغانستان د خپلواكو ژورناليستانو د ټولنې مشر رحيم الله سمندر وايي، د دې ټولو مسايلو په اړه د افغانستان قوانين څرګند دريځ لري، خو حكومت د نوېو اعلاميو په خپرولو سره پر رسنيو د سانسور هڅه كوي.
له رسنيو په ټينګه غوښتل شوي چې په خپلو خپرونو كې د افغانستان او نورو هېوادونو ترمنځ بين المللي ميثاقونه په پام كې ونيسي
د نوموړي په وينا ياده شوې اعلاميه د ايران د حكومت د فشار له امله خپره شوې. سمندر ازادۍ راډيو ته وويل، افغان رسنۍ به هيڅ نوېو مقرراتو ته غاړه كښينه ږدي:
سمندر همدا راز وويل، چې د افغانستان د رسنيو د سرغړونو اوسنۍ كميسيون كوم قانوني حيثيت نه لري، ځكه چې د هغه په وينا د رسنيو نوى قانون نافذ شوى او بايد چې د دې پر ځاى نوى كميسيون رامنځ ته شوى و.
د افغانستان د رسنيو د سرغړونو د څيړنې كميسيون له خوا په خپره شوې اعلاميې كې له رسنيو په ټينګه غوښتل شوي چې په خپلو خپرونو كې د افغانستان او نورو هېوادونو ترمنځ بين المللي ميثاقونه په پام كې ونيسي، نورو اديانو او مذهبونو ته له سپكاوي او پر شخصيتونو د تور لګولو نه ډډه وكړي كه نه نو ترعدلي څار لاندې به راشي.
بل خوا د افغانستان د اطلاعاتو او فرهنګ وزير وايي، چې دا نوې غوښتنې هيڅكله پر رسنيو د محدوديت په مانا نه دي.
د افغانستان حكومت پخوا هم د بېلابېلو اعلاميو په خپرولو سره رسنيو ته لارښوونې كړي او په ځينو مواردو كې يې خبردارى هم وركړى دى.
كه څه هم د رسنيو زياتره كاركوونكي د دارنګه اعلاميو خپرول د حكومت له خوا د سانسور هڅې بولي خو افغان چارواكي استدلال كوي، چې كله نا كله رسنۍ په خپلو خپرونو كې ملي او نړېوال اصول او قوانين تر پښو لاندې كوي.