په افغانستان كې د اداري فساد د مخنيوي او په دې لار كې د هڅو د پراخولو په مقصد، د دولت يو كاركوونكى د لكونو امريكايي ډالرو او سعودي ريالو د اختلاس په تور محكمې ته راكښل كيږي.
دا محكمه د دوشنبې په ورځ په كابل كې په علني بڼه پيل شوه.
د حج او اقافو د وزارت خزانه دار نورمحمد په دې تورن دى، چې تېركال يې د حج د مراسمو د اداء كولو په بهير كې، د ده له همكارانو سره يوځاى په لكونو ډالر اختلاس كړي دي.
د محكمې قاضي جليل فاروقي د موضوع په هكله وويل:
"محكمه په سړه سينه او ستاسي د حقونو په پام كې نيولو سره تا او ستا مدافع وكيل ته حق وركوي، چې د تورونو د ردولو په هكله كه هرډول اسناد لرئ حاضر يې كړی."
قاضي فاروقي داهم وويل، د حج او اقافو پخواني سرپرست وزير محمد صديق چكري، چې اوسمهال په بريتانيه كې اوسيږي هم، له دوى سره دوسيه لري.
د محكمې د چارواكو له خولې، د حج او اقافو پخواني سرپرست وزير محمد صدديق چكري له يوشمېرخصوصي شركتونو څخه د رشوت په اخيستلو تورن او پردوسيې يې څيړنې روانې دي.
خو صديق چكري په خپلو څرګندونو كې دا تورونه رد كړي دي.
د حج او اقافو د وزارت خزانه دار نورمحمد وويل، دى دا تورونه نه مني او حاضر نه دى، چې د وزارت د پخوانيو مامورينو له موجوديته پرته پر موضوع خبرې وكړي. ده وويل:
"مهرباني دې وشي څرګندونې دې وښودل شي، چې څومره اصولي دي، ما پيسې د صديق چكري په امر ليږدولي دي، دا ما پورى اړه نه لري له صديق چكري څخه يې وپوښتئ."
په دې ورځ محكمه د ډېرو بحثونو سره سره بياهم كومې نيتجې ته ونه رسيده او راتلونكي ته وځنډېده.
درې كاله مخكې د دې وزارت يوشمېر كاركوونكي هم د حج د مراسو په وخت كې د رشوت په اخيستلو تورن او محكمه شوي وو.
دا محكمه په داسې حال كې كيږي، چې د افغانستان جمهور رييس د اداري فساد پرضد پرجدي مبارزه ټينګار كوي.
كارپوهان وايي، كه دا لړۍ په جدي توګه پرمخ ولاړه شي، ډېر بډې اخيستونكي به محاكمو ته راكښل شي.
دا محكمه د دوشنبې په ورځ په كابل كې په علني بڼه پيل شوه.
د حج او اقافو د وزارت خزانه دار نورمحمد په دې تورن دى، چې تېركال يې د حج د مراسمو د اداء كولو په بهير كې، د ده له همكارانو سره يوځاى په لكونو ډالر اختلاس كړي دي.
د محكمې قاضي جليل فاروقي د موضوع په هكله وويل:
"محكمه په سړه سينه او ستاسي د حقونو په پام كې نيولو سره تا او ستا مدافع وكيل ته حق وركوي، چې د تورونو د ردولو په هكله كه هرډول اسناد لرئ حاضر يې كړی."
قاضي فاروقي داهم وويل، د حج او اقافو پخواني سرپرست وزير محمد صديق چكري، چې اوسمهال په بريتانيه كې اوسيږي هم، له دوى سره دوسيه لري.
د محكمې د چارواكو له خولې، د حج او اقافو پخواني سرپرست وزير محمد صدديق چكري له يوشمېرخصوصي شركتونو څخه د رشوت په اخيستلو تورن او پردوسيې يې څيړنې روانې دي.
خو صديق چكري په خپلو څرګندونو كې دا تورونه رد كړي دي.
د حج او اقافو د وزارت خزانه دار نورمحمد وويل، دى دا تورونه نه مني او حاضر نه دى، چې د وزارت د پخوانيو مامورينو له موجوديته پرته پر موضوع خبرې وكړي. ده وويل:
"مهرباني دې وشي څرګندونې دې وښودل شي، چې څومره اصولي دي، ما پيسې د صديق چكري په امر ليږدولي دي، دا ما پورى اړه نه لري له صديق چكري څخه يې وپوښتئ."
په دې ورځ محكمه د ډېرو بحثونو سره سره بياهم كومې نيتجې ته ونه رسيده او راتلونكي ته وځنډېده.
درې كاله مخكې د دې وزارت يوشمېر كاركوونكي هم د حج د مراسو په وخت كې د رشوت په اخيستلو تورن او محكمه شوي وو.
دا محكمه په داسې حال كې كيږي، چې د افغانستان جمهور رييس د اداري فساد پرضد پرجدي مبارزه ټينګار كوي.
كارپوهان وايي، كه دا لړۍ په جدي توګه پرمخ ولاړه شي، ډېر بډې اخيستونكي به محاكمو ته راكښل شي.