د لاسرسۍ وړ لېنکونه

تازه خبر
یکشنبه ۳۰ غبرګولی ۱۴۰۰ کابل ۰۱:۵۹

نړۍ

د پاکستان او هند صدراعظمان به سباته بوتان ته لاړشي

د پاکستان او هند صدراعظمان به سباته په بوتان کې د سیمه ایزې سرمشریزې په څنګ کې سره خبرې وکړي.

د دواړو هېوادونو د بهرنیو چارو وزیرانو د پلان شوېو خبرو تایید وکړ، خو د اجنډا په اړه جزیات ورنه کړل.

د پاکستان صدراعظم یوسف رضا ګیلاني او دهند صدراعظم من موهن سینګ د جنوبي اسیا د هېوادونو سارک په سرمشریزه کې د ګډون لپاره په بوتان کې دي. هند پرمومبیی د ۲۰۰۸ کال له حملو وروسته له پاکستان سره خبرې ودرولې.

په دی حملو کې چې شاو خوا ۱۷۰ کسان ووژل شول مسولیت یې هند په پاکستان کې پرسخت دریځو وسله والو واچاوه.

هند او پاکستان په ۱۹۴۷ کال له بریتانیا څخه د خپلواکي له اخیستو راهیسي درې ځلي جګړه کړی ده.

د دواړو هېوادونو ترمنځ د خبرو دوام د سیمي د ثبات لپاره ډیرمهم دی.

د ورځې تازه خبرونه دلته ولولئ

ګینه کې د ایبولا ویروس له کبله خپره شوې ناروغي ختمه شوې 

ګینه کې د ایبولا ناروغۍ پر ضد واکسین

د روغتیا نړیوال سازمان وايي، په ګینه کې د ایبولا ویروس له کبله خپره شوې ناروغي ختمه شوې ده.

په دغه هېواد کې دغه وژونکی ویروس چې په انسانانو کې د داخلي وینې بهېدنې سبب کېږي، په فبروري میاشت کې خپور شوی و چې لږ تر لږه ۱۶ کسان ورباندې اخته شوي وو او له دې ډلې ۱۲ کسان مړه شوي وو.

د روغتیا نړیوال سازمان او د ګینه روغتیايي چارواکو ویلي، دوی د جنوبي افریقا په ساحه کې د دې ویروس د مخکني خپراوي له کبله درس اخیستی و، ځکه وتوانېدل چې په چټکۍ د دغه ویروس د بیا خپرېدو مخه ونیسي.

له ۲۰۱۴ څخه تر ۲۰۱۶میلادي کاله پورې په دې ویروس ۱۱،۰۰۰ کسان مړه شوي وو چې ډېری قربانیان په ګینه، لابریا او سیرالیون کې وو.

روسیه کې یوه امریکايۍ محصله وژل شوې؛ چارواکو یو مشکوک کس نیولی

ارشیف

روسي چارواکو نن شنبه (د غبرګولي ۲۹مه) وویل، دوی یو مشکوک کس د یوې امریکایۍ محصلې د مړي تر پیدا کېدو وروسته ونیوه.

تر درې ورځنۍ پلټنۍ وروسته د روسیې په ناژني نوفګورود کې یو مړی وموندل شو چې ګومان کېږي د ۳۴ کلنې کاټرین سیرو به وي.

چارواکو ویلي وو چې د جون له ۱۵ مې د دې امریکایۍ ښځې تر لادرکۍ وروسته د لټون په چارو بوخت دي.

د سیرو مور چې د امریکا په مسیسیپي کې ده، د امریکا (NPR) راډیو ته ویلي، لور یې په یوه لیکلي پیغام کې ورته ویلي وو چې له یوه ناپېژندوی کس سره په موټر کې ده او هیله منه ده چې تښتول شوې به نه وي.

پولیسو او تر ۱۰۰ زیاتو رضاکارانو ویلي، دوی د مسکو د ختیځ په ۴۰۰ کیلومترۍ کې له ښاره بهر ځنګلي ساحه پلټلې ده.

د سایبریا په کیمیروفو سیمه کې ۴ کسان مړه شول

د سایبریا کیمیروفو سیمه

د سایبریا په کیمیروفو سیمه کې لږ تر لږه ۴ کسان هغه وخت مړه شول چې د پراشوټ­ بازانو یوه تفریحي الوتکه د تمرین پر مهال په یوه هوايي اډه کې نسکوره شوه.

په L-410 ډوله الوتکه کې د موجودو کسانو د شمېر په اړه ضد او نقیض راپورونه ورکړل شوي وو.

چارواکو وروسته وویل چې په پېښه کې ۴ کسان مړه او ۱۵ نور ټپیان شوي دي.

د تحقیقاتو د فډرال ادارې یوې محلي څانګې ویلي، الوتکه هوايي اډې ته په ستنېدو وه چې یوه پېلوټه د ماشین د خرابۍ راپور ورکړ.

الوتکې ظاهراً یوه ونه په خپل وزر سره غوڅه کړه نسکوره شوه.

د ایران دولتي ټلوېزیون او سیالو کاندیدانو رییسي ته د بریا مبارکي وویله

د ولسمشرۍ کاندید ابراهیم رییسي

د ایران دولتي ټلوېزیون او سیالو کاندیدانو نن شنبه (د غبرګولي ۲۹مه) د ولسمشرۍ کاندید ابراهیم رییسي ته د بریا مبارکي وویله.

که څه هم په ټاکنو کې د خلکو ګډون اندازه کمه ښوول شوې او د رایو شمېرل روان دي، پرون د ټاکنو په ورځ هم اټکل دا و چې ۶۰ کلن ملا او د قضايیه قوې مشر ابراهیم رییسي به د دغو ټاکنو ګټونکی اعلانېږي.

د ولسمشرۍ کاندیدانو عبدالناصر همتي او محسن رضايي میرقاید، ابراهیم رییسي ته په ټاکنو کې د بریا مبارکي ورکړې ده.

انتخاباتي چارواکو او دولتۍ رسنیو تر غرمې مخکې وویل چې ابراهیم رییسي تراوسه د ایران د ولسمشرۍ ټاکنو ۶۰ فیصده رایې ګټلې دي.

که څه هم چارواکو په مشخص ډول نه دي ویلي چې څو رایې کارول شوي، خو ویلي یې دي چې ډېرې رایې شمېرل شوي دي.

د نهايي نتیجو اعلان ښايي څو ورځې وخت ونیسي.

ایران کې ټاکنې؛ ابراهیم رییسي ته د بریا مبارکي ورکړل شوه

ابراهیم رییسي

که څه هم د ایران د ولسمشرۍ ټاکنو رسمي نتایج نه دي اعلان شوي، خو د ولسمشرۍ کاندیدانو عبدالناصر همتي او محسن رضايي میرقاید، ابراهیم رییسي ته په ټاکنو کې د بریا مبارکي ورکړې ده.

د ازادي راډیو د ایرانۍ څانګې، راډیو فردا د راپور له مخې دغو دوو کاندیدانو رییسي ته په جلا- جلا پیغامونو کې د بریا مبارکي ویلې ده.

په ایران کې د ولسمشرۍ د پرونیو ټاکنو د رایو شمېرنې له بهیره د اوو ساعتونو له تېرېدو وروسته هم د نتایجو په اړه رسمي ارقام نه دي خپاره شوي.

لا معلومه نه ده، د څلورو کاندیدانو: محسن رضايي میرقاید، ابراهیم رییسي، امیر حسین قاضیزاده هاشمي او عبدالناصر همتي له منځ څخه به کوم یو د ایران نوی ولسمشر شي؟

د ازادۍ راډیو د خبر مرکزي څانګې په حواله، په پام کې ده ابتدايي نتایج نن پر ځایي وخت ماسپښین او نهايي نتیجه سبا علان شي.

د ملګرو ملتونو عمومي اسامبلۍ د برما پوځي کودتا وغندله

ارشیف، برما کې روان تاوتریخوالی

د ملګرو ملتونو عمومي اسامبلۍ د یوې نااشنا پرېکړې په ترڅ کې پرون جمعه (د غبرګولي ۲۸مه) د برما پوځي کودتا وغندله او پر دغه هېواد یې د وسلو پر خرڅلاو بندیز ولګاوه.

د یوسل او درې نوي غړیو هېوادونو دې سازمان همدا راز د برما د مشرې انګ سان سوچي او نورو سیاسي زندانیانو د خوشې کېدو او په برما کې د مظاهره چیانو پرضد د خشونت او وسلو د استعمال د بندېدو غوښتنه وکړه.

د ملګرو ملتونو دا پرېکړه الزامي نه ده، خو د برما پوځي چارواکو ته چې د فبروري په لومړۍ نېټه یې کودتا وکړه او پر برما واکمنه شوه، یو سیاسي پیغام استوي.

سپینه ماڼۍ: که روسیه پر اوکراین کې تیری وکړي کیف سره مرستې کوو

د سپینې ماڼۍ ویانده جین ساکي

سپینه ماڼۍ وایي، که روسیه په اوکراین کې نور پوځي تیری وکړي نو متحد ایالاتونه به له کیف سره په نظامي برخه کې مرستې وکړي او دا مرستې یې چمتو کړي دي.

د سپینې ماڼۍ ویاندې جین ساکي پرون جمعه(د غبرګولي ۲۸مه) په یوه بیان کې وویل، په وروستیو کې د رسنیو دا راپورونه بې بنسټه دي چې متحد ایالاتونو له اوکراین سره نظامي مرستې درولي دي.

پولیټیکو او واشنګټن پوسټ ورځپاڼو تېره اوونۍ راپور ورکړی وو چې ولسمشر جو بایډن له اوکراین سره د لسګونو میلیونو ډالرو په ارزښت د وسلو په ګډون، پوځي مرستې درولي دي.

د امریکا متحد ایالاتونو له دوه زره څوارلسم کال را په دې خوا له اوکراین سره په پوځي برخه کې تر دوه نیم میلیاډه ډالرو ډېرې مرستې کړي دي.

جین ساکي وویل، تېره اوونۍ د امریکا او روسیې د ولسمشرانو د غوندې په درشل کې واشنګټن د یو نیم سل میلیونه ډالرو په ارزښت په امنیتي برخه کې د وسلو په ګډون اوکراین ته مرستې چمتو کړي.

ایرانیانو محدودو کاندیدانو ته رای ورکړې

یو شمېر رایه ورکوونکي

ایرانیانو محدودو کاندیدانو ته چې د سخت دریځو محافظه کارانو له لوري په دقت غوره شوي وو، رای ورکړې.

اټکل کېږي چې ابراهیم رییسي چې ډېر محافظه کاره دی، د جون د اتلسمې نېټې په انتخاباتو کې په اسانۍ بریالی شي.

د ده د ډېرو پیاوړيو سیالانو د کاندیدیدو مخه نګهبان شورا چې مشري یې د ایران مشر علي خامنه اي کوي، ونیوله.

۶۰ کلن رییسي د ایران د قضایه قوې مشر پاتې شوی او د بشري حقونو ډلو دی له بشري حقونو په سرغړونو تورن کړی دی.

د رییسي ترڅنګ د ولسمشرۍ دې انتخابات کې درې تنه نور، محسن رضایي میرقاید، امیرحسین قاضي زاده هاشمي او عبدالناصر همتي کاندیدان وو.

د ایران د کورنیو چارو د وزارت په وینا تمه ده چې نن شنبه (د غبرګولي ۲۹مه) ماسپښین ابتدایي نتیجې او سبا رسمي نتیجې اعلان شي.

ګوترش بیا د ملګرو ملتونو د سازمان د عمومي منشي په توګه وټاکل شو

انتونیو ګوترش

د ملګرو ملتونو عمومي اسامبلۍ پرون جمعه (د غبرګولي ۲۸مه) انتونیو ګوترش د دویمې دورې لپاره د دغه سازمان د عمومي منشي په توګه وټاکه.

ګوترش به د پنځو نورو کلونو لپاره هم د دغه نړیوال سازمان چې ۱۹۳ غړي لري، مشري کوي.

د همدې میلادي میاشتې په پيل کې د ملګرو ملتونو امنیت شورا چې ۱۵ غړي لري، د دویمې دورې لپاره د ګوترش د بیا ټاکل کېدو ملاتړ کړی و.

د ۷۲ کلن ګوترش د ماموریت دویم پړاو د راتلونکې ۲۰۲۲ کال د جنورۍ په لومړۍ نېټه پیلیږي.

د نړۍ بېلابېلو چارواکو ګوترش ته پر خپل پوست د بیا ټاکل کېدو له کبله مبارکي ورکړې ده.

اروپایي ټولنه پر بلاروس د بندیزونو برخه کې هوکړې ته ورسېده

د اروپايي ټولنې او بلاروس ګډ بیرغونه

اروپایي ټولنه پر بلاروس د اقتصادي بندیزونو په برخه کې موافقې ته ورسېده.

دا خبره پرون جمعه (د غبرګولي ۲۸مه) د دغې ټولنې ډيپلوماتانو او دغه راز د اتریش د بهرنیو چارو وزارت کړې ده.

دوی ویلي، دا بندیزونه د بلاروس د هغه اقدام پر وړاندې لګول کېږي چې د راین ایر شرکت یوه الوتکه یې په جبر منسک کې ښکته کېدو ته مجبوره کړې وه.

تېره میاشت د دې کینول شوې الوتکې له منځه د بلاروس د رژیم مخالف فعال او خبریال ونیول شو.

د اتریش د بهرنیو چارو وزارت په یوه خبرپاڼه کې ویلي، پر بلاروس لګېدونکي اقتصادي بندیزونه د هغه هېواد ځپونکو اقداماتو ته یو ښکاره او هدفمند ځواب دی.

که د اروپایي ټولنې مشران د جون په ۲۵مه پلان شوې غونډه کې دا بندیزونه تایید کړي، له بلاروس سره به د صادراتو او وارداتو او بانکي معاملو پر چارو بندیزونه ولګول شي.

د اروپا ملتونو فوټپال جام؛ چک جمهوریت-کروېشیا او انګلستان-سکاټلنډ لوبه کوي

د اروپا د ملتونو فوټپال جام یا «یورو ۲۰۲۰» یوه سیالۍ

د اروپا د ملتونو فوټپال جام یا «یورو ۲۰۲۰» د سیالیو په لړ کې نن چک جمهوریت د کروېشیا او انګلستان د سکاټلنډ په وړاندې د فوټبال مسابقه کوي.

سویډن او سلواکیا هم په خپلو کې مسابقه لري.

د دغو مسابقو په لړ کې تېره شپه بلجیم ډنمارک ته دوه د یو په وړاندې ماتې ورکړه، اوکراین هم په همدې نتیجه د شمالي مقدونیا په وړاندې بریا خپله کړه، هالنډ بیا اتریش ته دوه د صفر په وړاندې ماتې ورکړه.

د اروپا د اتلولیو جام مسابقې چې په پام کې وه تېر میلادي کال وشي، خو د کرونا وبا له کبله وځنډول شوې.

د قرغزستان د صدراعظم پخوانی مرستیال د اداري فساد په تور ونیول شو

د قرغزستان د صدراعظم پخوانی مرستیال طاهربېګ سرپاشیف

د قرغزستان د صدراعظم پخوانی مرستیال طاهربېګ سرپاشیف د اداري فساد په تور نیول شوی دی.

پر اداري فساد دغه څېړنه د کومتور په نوم د سرو زرو د یوه کان د پروژې په باب پیل شوې وه.

د قرغزستان د ملي امنیت دولتي کمېټې ویلي، سرپاشیف پرون پنجشنبه نیول شوی دی.

دغه کمېټه وايي، د صدراعظم پخوانی مرستیال سرپاشیف په دې تورن دی چې د کاناډا سنټیرا ګولډ (Centerra Gold) په نوم د شرکت په ګټه‌یې لابي کړې ده او داسې قانوني لارې چارې یې ورته برابرې کړې وې چې دغه شرکت وکړای شي د کان د ساحې په شااوخوا کې د پرتو غرونو په لوړه ارتفاع کې هم کار وکړای شي.

د قرغزستان چارواکي وايي، دغه کار د دې سبب شوی چې دوو طبیعي یخچالونو ته چاپېریالي زیانونه واوړي.

په نورو کسانو کې چې د دې قضیې په تړاو په وروستیو کې نیول شوي، پخوانی صدراعظم عمربېګ بابانوف، د ولسمشر د دفتر پخوانی رئیس دانیار ناریمبایف او د پارلمان ګڼ اوسني یا پخواني غړي شامل دي.

د اسرائیل جټ الوتکو بیا په غزه کې ځیني اهداف په نښه کړل

ارشیف، غزه کې د اسرائیل له لوري یو شمېر بمبار شوې سیمې

د اسرائیل جټ الوتکو روانه اوونۍ د دوهم وار لپاره په غزه کې ځیني اهداف په نښه کړل.

دا وروسته له هغې چې د فلسطین وسله‌والو د اسرائیل پر جنوبي سیمو اور شیندونکي بالونونه وویشتل.

پرون او تېره شپه د بالونونو د ویشتلو او هوايي حملو په نتیجه کې هغه نازک اوربند چې د اسرائیل او د غزې د حماس ترمنځ شوی و، له خطر سره مخامخ شوی دی.

تېره میاشت د مصر په منځګړیتوب د اوربند له ټینګښت سره د دواړو لورو ترمنځ ۱۱ ورځنۍ سخته جګړه پای ته ورسېده.

د اسرائیل پوځ وايي د اور شیندونکو بالونونو د ویشتلو په ځواب کې یې د حماس ډلې اړوند پوځي مرکزونه او د راکټو توغولو ساحه یې ویشتلې ده.

په ایران کې د ۱۴۰۰ کال ولسمشرۍ ټاکنې

ایران کې د ولسمشرۍ ټاکنو کې د رأی ورکونې بهیر

په ایران کې نن د ۱۴۰۰ کال ولسمشرۍ ټاکنې روانې دي.

د رأی ورکونې مرکزونه په پلازمېنه تهران او نورو ښارونو کې د سهار له اوو پرانیستل شوي.

د ایران مذهبي رهبر علي خامنه‌ای د رأی‌ګیري په لومړنیو شېبو کې رایه ورکړه او خلک‌یې په ټاکنو کې ګډون ته وهڅول.

محسن رضایي میر قائد، ابراهیم رئیسي، امیر حسین قاضي‌زاده هاشمي او عبدالناصر همتي د دې دورې له کاندیدانو دي.

د ایران د کورنیو چارو وزارت ویلي چې دې ټاکنو ته له ۵۹ ملیونو زیات کسان د رأی ورکونې په شرایطو برابر دي.

د نظر پوښتنو له مخې بیا په دې ټاکنو کې د خلکو د ګډون کچه له ۳۷ تر ۴۷ فیصده بلل شوې.

ایران کې داسې وخت د ۱۳م دور ولسمشرۍ ټاکنې ترسره کېږي چې ګڼو خلکو، سیاسي فعالانو او بهر مېشتو ګروپونو په دې ټاکنو کې د نه‌ګډون غږ پورته کړی.

په ایران کې د ۱۳۹۸ کال د لړم د مظاهره‌چیانو په لویه کچه ځپل او د اوکرایني الوتکې نسکورول هغه لویې پېښې وې چې په حکومت باندې یې د خلکو باور تر ډېره زیانمن کړ.

الکسي ناوالنۍ: ولادیمیر پوتین "داسې دروغجن دی چې خپل دروغ نه‌شي درولی

د مسکو رژیم مخالف زنداني الکسي ناوالنۍ

د مسکو رژیم مخالف زنداني الکسي ناوالنۍ ویلي، د روسیې ولسمشر ولادیمیر پوتین "داسې دروغجن دی چې خپل دروغ نه‌شي درولی".

ناوالنۍ پرون پر خپل انسټاګرام ولیکل چې پوتین باید د رواني ستونزو درملنه وکړي، هغه ستونزه چې د ده په ټکو په واک کې د اوږدې مودې له کبله ورته پيدا شوې ده.

نوموړی دا تور داسې مهال لګوي چې پوتین د امریکا له ولسمشر جو بایډن سره تر ملاقات وروسته خبریالانو ته وویل، ناوالنۍ تېره اګسټ میاشت کې د محکمې له‌خوا پر هغه لګول شوي الزامات له پامه غورځولي دي.

ناوالنۍ پرون د روسیې له خلکو وغوښتل چې د سپټمبر میاشتې په پارلماني ټاکنو کې ګډون وکړي چې حاکم ګوند د رأی ورکونې په ځیرک سیستم سره چې د دوی پلویانو جوړ کړی، له واکه لیرې کړي.

نور راوښيه

XS
SM
MD
LG