د دفاع د وزارت وياند جنرال ظاهر عظيمي، چې د جشن د تيارېو د يوه كميسيون مشري ور په غاړه ده ازادۍ راډيو ته يې وويل، چې د جشن د ښه او شانداره لمانځلو لپاره درې كميسيونونه ګمارل شوي او د كابل په درې برخو كې به د يو لړ پوځي او تفريحي پروګرامونو په ترسره كولو سره، ولمانځل شي.
دى وايې:
"سږ كال به د ثور اتمه ولمانځل شي، هڅه موكړې چې تر يوه حده يې له پوځي حالت څخه وباسو او خلكو ته په كې د تفريح زمينه برابره كړو او پوځي مراسم به په ځانګړو ځايونو كې ترسره شي."
د دفاع وزارت وايې، جشن ته يې په زرګونو پوځيان ګمارلي دي، چې د ښار په ټولو سيمو كې د خلكو او د مراسمو امنيت وساتي، خو د كابل ځيني ښاريان وايې نه ښايې چې د هېواد په اوسنېو كمزورو اقتصادي حالاتو كې په جشن لګښتونه وشي.
د كابل ښار يو تن اوسيدونكي وايې:
"اوس مهال د هېواد په زرګونو زلميان وزګار ګرځي، فابريكې او كارخانې نشته، په دى جشن ډيرې پيسې لګيږي، كه دا لګښتونه د غريبو خلكو د ښيګڼې لپاره وشي، ښه به وي دا جشن خلكو ته هيڅ ګټه نه رسوي."
د افغانستان دولت تېر كال د ثور د اتمې ورځې جشن ونه لمانځي، ځكه چې دوه كاله مخكې په همدې ورځ د مخالفينو له خوا پر مراسمو ډزې وشوې، مراسم ګډوډ او مرګ ژوبله په كې پېښه شوه.
د افغانستان د المپيك كمېټه وايې، چې دوى په دې ورځ يو لړ ورزشي پروګرامونه تنظيم كړي دي.
دى وايې:
"سږ كال به د ثور اتمه ولمانځل شي، هڅه موكړې چې تر يوه حده يې له پوځي حالت څخه وباسو او خلكو ته په كې د تفريح زمينه برابره كړو او پوځي مراسم به په ځانګړو ځايونو كې ترسره شي."
د دفاع وزارت وايې، جشن ته يې په زرګونو پوځيان ګمارلي دي، چې د ښار په ټولو سيمو كې د خلكو او د مراسمو امنيت وساتي، خو د كابل ځيني ښاريان وايې نه ښايې چې د هېواد په اوسنېو كمزورو اقتصادي حالاتو كې په جشن لګښتونه وشي.
د كابل ښار يو تن اوسيدونكي وايې:
"اوس مهال د هېواد په زرګونو زلميان وزګار ګرځي، فابريكې او كارخانې نشته، په دى جشن ډيرې پيسې لګيږي، كه دا لګښتونه د غريبو خلكو د ښيګڼې لپاره وشي، ښه به وي دا جشن خلكو ته هيڅ ګټه نه رسوي."
د افغانستان دولت تېر كال د ثور د اتمې ورځې جشن ونه لمانځي، ځكه چې دوه كاله مخكې په همدې ورځ د مخالفينو له خوا پر مراسمو ډزې وشوې، مراسم ګډوډ او مرګ ژوبله په كې پېښه شوه.
د افغانستان د المپيك كمېټه وايې، چې دوى په دې ورځ يو لړ ورزشي پروګرامونه تنظيم كړي دي.