د مشرانو جرګې غړي وايي، چې د ايران ولسمشر محمود احمدي نژاد افغانستان ته په خپل سفركې له افغان چارواكو سره ژمنه كړې وه، چې هڅه به وكړي، څو په ايران كې په اعدام د محكومو شوو افغانانو د اعدام مخه ونيسي.
د افغانستان د مشرانو جرګې د شكايتونو د كمېسيون مشر ډاكتر زلمى زابلى وايي چې د مشرانو جرګې د افغانستان د بهرنيو چارو وزيرخپلو راتلوونكو غونډو ته راغوښتى، چې په ايران كې د افغان زندانيانو او په اعدام محكومو شوو كسانو په اړه د خپلو اقداماتو څخه مشرانو جرګه خبره كړي.
په ولسي جرګه كې د هرات ولايت استازى ګل نبي وايي، چې له ايران څخه هرات ولايت ته د پنځه څلويښت هغو افغانانو جسدونه انتقال شوي چې د ايران حكومت اعدام كړي دي.
همدارنګه د افغان ولسمشر وياند وحيد عمر د سې شنبې په ورځ په كابل كې خبريالانو ته وويل، چې په دې اړه د افغانستان د بهرنيو چارو وزارت په كابل كې د ايران سفير احضار كړى دى.
بل خوا كه څه هم د بهرنيو چارو وزارت، د ايران د سفير د احضار او د مشرانو جرګې د غوښتنې په اړه له څه ويلو ډډه وكړه .
د وركړل شوو مالوماتو له مخې په ايران كې شا او خوا 5600 تنه افغانان بنديان دي، چې له دې جملې څخه يې 3000 په اعدام محكوم شوي دي.
د افغانستان ملي شورا وايي، كه افغان حكومت په دې اړه جدي هڅي ونه كړي نو امكان لري د ايران حكومت نور افغانان هم اعدام كړي.
معصوم ميوند-كابل
د افغانستان د مشرانو جرګې د شكايتونو د كمېسيون مشر ډاكتر زلمى زابلى وايي چې د مشرانو جرګې د افغانستان د بهرنيو چارو وزيرخپلو راتلوونكو غونډو ته راغوښتى، چې په ايران كې د افغان زندانيانو او په اعدام محكومو شوو كسانو په اړه د خپلو اقداماتو څخه مشرانو جرګه خبره كړي.
په ولسي جرګه كې د هرات ولايت استازى ګل نبي وايي، چې له ايران څخه هرات ولايت ته د پنځه څلويښت هغو افغانانو جسدونه انتقال شوي چې د ايران حكومت اعدام كړي دي.
همدارنګه د افغان ولسمشر وياند وحيد عمر د سې شنبې په ورځ په كابل كې خبريالانو ته وويل، چې په دې اړه د افغانستان د بهرنيو چارو وزارت په كابل كې د ايران سفير احضار كړى دى.
بل خوا كه څه هم د بهرنيو چارو وزارت، د ايران د سفير د احضار او د مشرانو جرګې د غوښتنې په اړه له څه ويلو ډډه وكړه .
د وركړل شوو مالوماتو له مخې په ايران كې شا او خوا 5600 تنه افغانان بنديان دي، چې له دې جملې څخه يې 3000 په اعدام محكوم شوي دي.
د افغانستان ملي شورا وايي، كه افغان حكومت په دې اړه جدي هڅي ونه كړي نو امكان لري د ايران حكومت نور افغانان هم اعدام كړي.
معصوم ميوند-كابل