ښاغلي ډي مسټورا څرګنده كړه، چې د سولې راتلونكې جرګه يوه افغاني پروسه ده او په دې برخه كې به دوى افغان دولت ته سلامشوره نه وركوي بلكې د اړتيا په صورت كې به ورسره لازمه مرسته وكړي:
"موږ به داړتيا په صورت كې په تخنيكې برخه كې مرسته وكړو، موږ غواړو د سولې د جرګې په چوكاټ كې د خبرو اترو اساسي پړاونه پيل او د ملي پخلاينې لورى هم معلوم شي خو ټينګار كوم چې دا يوه افغاني پروسه ده.
په راتلونكو څو ورځو كې به د هغو افغان چارواكوسره وګورم، چې د سولې د جرګې تنظيموونكي دي او خپل تخنيكي ملاتړ به ورته وړاندې كړم، كوم چې دا جرګه بريالۍ كولاى شي."
ټاكل شوې ده د سولې ملي مشورتي جرګه د راتلونكې مياشت په څوارلسمه نېټه په كابل كې جوړه شې او د افغانستان د ملي شورا د غړو ترڅنګ د ولايتي شوراګانو او مدنې ټولنو استازي او د افغانستان له ټولو ولايتونو څخه قومي مشران او مخور په كې برخه واخلي او له وسله والو مخالفينو سره د سولې د خبرو اترو په څرنګوالي بحث وكړي.
خو د دې جرګې له جوړېدو دمخه له څو ورځو راهيسې د انجنير حكمتيار د حزب اسلامي يوپنځه كسيز پلاوى كابل ته راغلى او له جمهور رييس كرزي او ځينو نورو دولتي چارواكو سره يې كتلي او د سولې يوه طرح يې هم افغان دولت ته سپارلې ده.
په عين حال كې د ملي شورا غړي او د افغانستان په بېلابېلو برخو كې خلك هم كابل ته د حزب اسلامي د پلاوي راتګ د سولې د ټينګښت لپاره يوښه ګام بولي.
په مشرانوجرګې كې سناتور محمد حسن هوتك وايي، چې حكومتي چارواكي بايد له نورو وسله والو مخالفينو سره هم په ورته توګه د سولې خبرې اترې پيل كړي.
په كابل كې د ملګروملتونو ځانګړي استازي سټيفن ډي مسټورا هم د افغان دولت او د ښاغلي حكمتيار د حزب اسلامي د پلاوي ترمنځ خبرو اترو ته په اشاره وويل، چې د افغانستان د ستونزو د حل ترټولو غوره لاره خبرې اترې او سياسي روغه جوړه ده.
د افغانستان لپاره د ملګروملتونو پخواني ځانګړي استازي كاى ایده هم منلي وو، چې ده له دې هېواد څخه بهر د وسله والو طالبانو او د دولت د نورو وسله والو مخالفينو له يوشمېر چارواكو سره كتلي وو او د سياسي روغې جوړې په اړه يې ورسره خبرې كړې وي.
خو ښاغلى ډي مسټورا وايي، چې دى داسې كوم پلان نه لري چې د ښاغلي ايډه په څېر د افغان دولت له وسله والو مخالفينو سره وګوري ځكه د ده په خبره دا يوه افغاني پروسه ده او بايد چې افغانان يې له خپل دود دستور او خوښې سره سمه پرمخ بوځي.
"موږ به داړتيا په صورت كې په تخنيكې برخه كې مرسته وكړو، موږ غواړو د سولې د جرګې په چوكاټ كې د خبرو اترو اساسي پړاونه پيل او د ملي پخلاينې لورى هم معلوم شي خو ټينګار كوم چې دا يوه افغاني پروسه ده.
په راتلونكو څو ورځو كې به د هغو افغان چارواكوسره وګورم، چې د سولې د جرګې تنظيموونكي دي او خپل تخنيكي ملاتړ به ورته وړاندې كړم، كوم چې دا جرګه بريالۍ كولاى شي."
ټاكل شوې ده د سولې ملي مشورتي جرګه د راتلونكې مياشت په څوارلسمه نېټه په كابل كې جوړه شې او د افغانستان د ملي شورا د غړو ترڅنګ د ولايتي شوراګانو او مدنې ټولنو استازي او د افغانستان له ټولو ولايتونو څخه قومي مشران او مخور په كې برخه واخلي او له وسله والو مخالفينو سره د سولې د خبرو اترو په څرنګوالي بحث وكړي.
خو د دې جرګې له جوړېدو دمخه له څو ورځو راهيسې د انجنير حكمتيار د حزب اسلامي يوپنځه كسيز پلاوى كابل ته راغلى او له جمهور رييس كرزي او ځينو نورو دولتي چارواكو سره يې كتلي او د سولې يوه طرح يې هم افغان دولت ته سپارلې ده.
په عين حال كې د ملي شورا غړي او د افغانستان په بېلابېلو برخو كې خلك هم كابل ته د حزب اسلامي د پلاوي راتګ د سولې د ټينګښت لپاره يوښه ګام بولي.
په مشرانوجرګې كې سناتور محمد حسن هوتك وايي، چې حكومتي چارواكي بايد له نورو وسله والو مخالفينو سره هم په ورته توګه د سولې خبرې اترې پيل كړي.
په كابل كې د ملګروملتونو ځانګړي استازي سټيفن ډي مسټورا هم د افغان دولت او د ښاغلي حكمتيار د حزب اسلامي د پلاوي ترمنځ خبرو اترو ته په اشاره وويل، چې د افغانستان د ستونزو د حل ترټولو غوره لاره خبرې اترې او سياسي روغه جوړه ده.
د افغانستان لپاره د ملګروملتونو پخواني ځانګړي استازي كاى ایده هم منلي وو، چې ده له دې هېواد څخه بهر د وسله والو طالبانو او د دولت د نورو وسله والو مخالفينو له يوشمېر چارواكو سره كتلي وو او د سياسي روغې جوړې په اړه يې ورسره خبرې كړې وي.
خو ښاغلى ډي مسټورا وايي، چې دى داسې كوم پلان نه لري چې د ښاغلي ايډه په څېر د افغان دولت له وسله والو مخالفينو سره وګوري ځكه د ده په خبره دا يوه افغاني پروسه ده او بايد چې افغانان يې له خپل دود دستور او خوښې سره سمه پرمخ بوځي.