په کابل باندې د طالبانو له بریدونو دوه ورځې وروسته لویدیځو او افغان چارواکو فیصله وکړه، چې د افغانستان ملي اردو او پولیس باید ډېرژر پياوړي کړای شي او د دغو قواوو د عسکرو شمېر باید ډېرژر اعظمی حد ته ورسول شي.
د ناټو ویاند پرون په دې اړه په بروکسل کې خبریالانو ته یوڅه تفصیلات وړاندی کړل.
ناټو غواړي افغانستان موثر او اغیزناک امنیتي ځواکونه ولري، چې له دغه هېواده د بهرنیو قواوو وتلو ته لاره هواره شي.
د ناټو ویاند جیمز اپاتورای وویل، چې په هغې ګډې غونډه کې، چې د افغانستان، ملګرو ملتونو او د هغو هېوادونو مقاماتو په کې برخه واخیسته چې په افغانستان کې قواوی لري په دې اړه خبرې وشوې.
اپاتورای وایي، مخکنی پلان دا و، چې د ۲۰۱۱ کال ترپایه پورې د افغانستان د ملي اردو د عسکرو شمېر ۱۳۴ زرو سربازانو ته ورسول شي، خو د نوي پلان سره سم دغه شمېر په همدی ټاکل شوې مودې کې ۱۷۱ زرو عسکرو ته رسول کیږي.
د ناټو ویاند زیاته کړه، چې په همدې موده کې به د افغانستان د ملي پولیسو شمېر ۱۳۴ زرو ته اوچت شي.
د افغانستان ملي اردو اوس مهال سل زره سربازان لري او ملی پولیس هم اتیاه زره دي.
د لویدیځو هېوادونو له دغې پرېکړې سره سم باید په افغانستان کې د پوځي روزونکو شمېر هم زیات کړای شی.
بله دا چې د افغانستان د امنیتي ځواکونو اکثر معاش به د لویدیځو هېوادونو له خوا ورکول کیږي او لویدیځو هېوادونو فیصله کړې، چې د عسکرو میاشتنۍ تنخوا له پنځوسو ډالرو څخه تر ۱۶۰ او ۲۲۵ ډالرو پورې اوچته کړي.
د ناټو ویاند ټینګار وکړ، چې د عسکرو او پولیسو د معاش زیاتوالی کیدای شي په خپل ذات کې ډېر موثر وي، خو د ده په وینا د دغې غوښتنې لپاره تراوسه کوم په زړه پوری ځواب نه دی ترلاسه شوی.
د ناټو ویاند زیاته کړه، چې په دې اړه به د لندن په کنفرانس کې خبری وشي.
خو د لندن له کنفرانسه مخکې هم د روانې میاشتې په ۲۷ په بروکسل کې د ناټو د پوځي مشرانو، په افغانستان کې د آیساف قواوو د قوماندان جنرال سټنلي مک کریسټل او د پاکستان د اردو د لوی درستیز جنرال اشفاق کیاني په ګډې غونډې کې دغه موضوع څیړل کیږي.
د بروکسل د غونډې مقصد دا دی، چې د افغانستان د امنیتی ځواکونو د زیاتوالي او په دغه هېواد کې د جنرال مک کرېسټل د ستراتیژي څخه د ښې استفادې په لارو چارو غور وشي.
د ناټو ویاند پرون په دې اړه په بروکسل کې خبریالانو ته یوڅه تفصیلات وړاندی کړل.
ناټو غواړي افغانستان موثر او اغیزناک امنیتي ځواکونه ولري، چې له دغه هېواده د بهرنیو قواوو وتلو ته لاره هواره شي.
د ناټو ویاند جیمز اپاتورای وویل، چې په هغې ګډې غونډه کې، چې د افغانستان، ملګرو ملتونو او د هغو هېوادونو مقاماتو په کې برخه واخیسته چې په افغانستان کې قواوی لري په دې اړه خبرې وشوې.
اپاتورای وایي، مخکنی پلان دا و، چې د ۲۰۱۱ کال ترپایه پورې د افغانستان د ملي اردو د عسکرو شمېر ۱۳۴ زرو سربازانو ته ورسول شي، خو د نوي پلان سره سم دغه شمېر په همدی ټاکل شوې مودې کې ۱۷۱ زرو عسکرو ته رسول کیږي.
د ناټو ویاند زیاته کړه، چې په همدې موده کې به د افغانستان د ملي پولیسو شمېر ۱۳۴ زرو ته اوچت شي.
د افغانستان ملي اردو اوس مهال سل زره سربازان لري او ملی پولیس هم اتیاه زره دي.
د لویدیځو هېوادونو له دغې پرېکړې سره سم باید په افغانستان کې د پوځي روزونکو شمېر هم زیات کړای شی.
بله دا چې د افغانستان د امنیتي ځواکونو اکثر معاش به د لویدیځو هېوادونو له خوا ورکول کیږي او لویدیځو هېوادونو فیصله کړې، چې د عسکرو میاشتنۍ تنخوا له پنځوسو ډالرو څخه تر ۱۶۰ او ۲۲۵ ډالرو پورې اوچته کړي.
د ناټو ویاند ټینګار وکړ، چې د عسکرو او پولیسو د معاش زیاتوالی کیدای شي په خپل ذات کې ډېر موثر وي، خو د ده په وینا د دغې غوښتنې لپاره تراوسه کوم په زړه پوری ځواب نه دی ترلاسه شوی.
د ناټو ویاند زیاته کړه، چې په دې اړه به د لندن په کنفرانس کې خبری وشي.
خو د لندن له کنفرانسه مخکې هم د روانې میاشتې په ۲۷ په بروکسل کې د ناټو د پوځي مشرانو، په افغانستان کې د آیساف قواوو د قوماندان جنرال سټنلي مک کریسټل او د پاکستان د اردو د لوی درستیز جنرال اشفاق کیاني په ګډې غونډې کې دغه موضوع څیړل کیږي.
د بروکسل د غونډې مقصد دا دی، چې د افغانستان د امنیتی ځواکونو د زیاتوالي او په دغه هېواد کې د جنرال مک کرېسټل د ستراتیژي څخه د ښې استفادې په لارو چارو غور وشي.