د لاسرسۍ وړ لېنکونه

تازه خبر
سه شنبه ۱ چنګاښ ۱۴۰۰ کابل ۰۳:۱۷

خبرونه

د دوو ماشومانو مړي وموندل شول

هغه دوه كوچنيان چې يو يي لس كلن او بل ۱۲كلن وه او څلور ورځ دمخه د سمنګانو د ولايت له ايبك ښار څخه لادركه شوي وه نن يي مړي د ايبكو د ښار په څنډه د پراته غر په لمن كي وموندل شول

د سمنګانو د امني قومندان جنرال عبدالرزاق ايلخاني ازادي راډيو ته وويل چې ددغو كوچنيانو مړي يي خپل خپلوانو ته سپارلي دي او تر اوسه پوري ددوي د وژل كيدو علت نه دي څرګند شوي

ده زياته كړه چې پدي اړه اوس پلټني رواني دي چې ايا دغه كوچنيان په طبعي مرګ مړه شوي او كه چا وژلي دي

ددغو كوچنيانو يو خپلواك ازادي راډيو ته وويل چې دوي نه له چاسره كومه شخصي دښمني درلوده او نه ورڅخه چا ددوي د اختطاف په بدل كي پيسي غوښتي وي

د ورځې تازه خبرونه دلته ولولئ

د ارمنستان انتخابات؛ پاشینیان ادعا کوي چې بریا یې ترلاسه کړې

نیکول پاشینیان د ارمنستان سرپرست صدراعظم

نیکول پاشینیان د ارمنستان سرپرست صدراعظم ادعا کوي چې په وروستیو انتخاباتو کې یې د پام وړ بریا ترلاسه کړې ده.

دا وار له مخه انتخابات د یکشنبې په ورځ ترسره شول، څو دغه هېواد کې د ناګورنو قره باغ په سیمه کې د وروستۍ جګړې په دوام رامنځته شوی سیاسي بحران پای ته ورسوي.

په دې جګړه کې چې پروسږکال وشوه او شپږ اوونۍ یې دوام وکړ ځیني سیمې اذري ځواکونو له ارمنیانو لاندې کړې.

د ټاکنو له ابتدایي نتیجو ښکارې چې د پاشینیان ګوند درې پنځوس اعشاریه نهه فیصده رایي خپلې کړې دي.

د ده سیال د پخواني ولسمشر رابرت کوچاریان ګوند په دې انتخاباتو کې یو ویشت فیصده رایي خپلې کړې دي.

کېم یو جونګ واشنګټن سره د خبرو د بیا پیلېدو احتمال رد کړ

د شمالي کوریا د مشر، کېم جونګ یون خور کېم یو جونګ

د شمالي کوریا د مشر، کېم جونګ یون خور له واشنګټن سره د دیپلوماتیکو خبرو د بیا پیلېدو احتمال رد کړ او ویې ویل، د امریکا د متحد ایالاتونو د خبرو تمه دوی ډېر ناهیلي کوي.

کېم یو جونګ چې په ګوند کې جګپوړې غړې ده، دا بیان نن سې شنبه (د چنګاښ ۱مه) وروسته تر دې ورکړ چې د امریکا د ملي امنیت سلاکار جک سولیوان د اوونۍ په پيل کې ویلي و چې د شمالي کوریا د مشر وروستۍ څرګندونې چې ویلي یې دي شمالي کوریا باید خبرو او مقابلې ته چمتو شي، په زړه پورې نښې دي.

ښاغلي سولیوان د دوشنبې په ورځ هیله ښکاره کړې وه چې شمالي کوریا د امریکا د خبرو وړاندیز ته مثبت ځواب ووایي، خو ده دا هم وویل چې پر شمالي کوریا به د امریکا په مشرۍ بندیزونه په خپل حال وي.

د شمالي کوریا د مشر خور نن په داسې حال کې نظر څرګند کړ چې د شمالي کوریا لپاره د واشنګټن ځانګړی استازی له جنوبي کوریا کتنه کوي.

د میدان وردګو امنیه قوماندان: جغتو ولسوالۍ سقوط شوه

د افغانستان په نقشه کې د میدان وردګ نقشه

د میدان وردګو امنیتي چارواکي وايي، د دې ولایت جغتو ولسوالۍ د وسله والو طالبانو لاس ته لویدلې.

د دغه ولایت امنیه قوماندان سمنوال مصطفي مایار نن سې شنبه (د چنګاښ ۱مه) ازادي راډيو ته تائید کړه چې د جغتو ولسوالۍ تېره شپه د طالبانو لاس ته لویدلې.

دی وايي: "په جغتو ولسوالۍ کې زموږ د ټولو امنیتي ارګانو سرتیري موجود وو، خو په خواشینۍ سره چې هلته د دښمن نفوذي کسان وو او په دې بریالي شول چې دا خلګ تسلیمۍ ته مجبور کړي، په خواشینۍ سره باید ووایم چې تېره شپه دا ولسوالۍ سقوط شوه."

نوموړی وايي، په یاده ولسوالۍ کې ۲۳ ملي پولیس، ۴ د ملي امنیت سرتیري او ۱۳ د ملي اردو سرتیري موجود وو چې طالبانو ته تسلیم شوي دي.

مایار وايي، په ولسوالۍ کې ټول نظامي تجهیزات هم د وسله والو طالبانو لاسونو ته لویدلي دي.

د وسله والو طالبانو ویاند ذبیح الله مجاهد هم د یادې ولسوالۍ د سقوط پخلی کړی او ویلي یې دي چې ټول سرتیري ورته تسلیم شوي او مهمات هم د دوی لاسونو ته ورغلي دي.

ننګرهار کې د سوداګریزو اسنادو یو واحد مرکز پرانیستل شو

ارشیف، د جلال اباد ښار

په ننګرهار کې د سوداګریزو اسنادو یو واحد مرکز پرانیستل شو چې په دې سره به سوداګرو ته ګڼې اسانتیاوې رامنځ ته شي.

د صنعت او سوداګرۍ وزارت ویاند فواد احمدي نن سې شنبه (د چنګاښ ۱مه) ازادي راډیو ته وویل چې دغه مرکز د ننګرهار ولایت په ګمرک کې د هېواد د صادراتي توکو د اسنادو په پروسو کې د اسانتیاوو برابرولو په موخه د حکومت د پراختیایي بودجې څخه د درې میلیونه افغانیو په لګښت رامنځته شوی دی.

نوموړي وویل چې د دې مرکز پرانیسته به د سوداګرو ډېری ستونزې هوارې کړي او د اسنادو د مراحلو د بهیر وخت به هم یوې دقیقې ته را کم کړي.

د صنعت او سوداګرۍ وزات چارواکي وایي چې په ننګرهار ولایت کې د صادراتي محصولاتو د پروسې د بهیر، د یو واحد مرکز د جوړولو موخه د هېواد د صادراتو د زیاتوالي لپاره د لازمو اسانتیاوو برابرول دي.

د چارواکو په وینا چې ورته واحد مرکزونه په کابل او کندهار ولایت کې هم جوړ شوي دي.

د بدخشان د شورابک د برښنا بند کارونه بشپړ شوي

د شورابک بند

د بدخشان د شورابک د برښنا بند کارونه بشپړ شوي او ډېر ژر به ګټې اخېستنې ته وسپارل شي.

د اوبو ملي ادارې ویاند نظام الدین خپلواک نن سې شنبه (د چنګاښ ۱مه) ازادي راډیو ته وویل چې دا بند د جرمني د ۴۵ میلیونه یورو په لګښت جوړ شوی چې په درېیو توربینونو سره ۷.۵ مېګا واټه برښنا تولیدوي او د فیض اباد ښار ۲۵ زره کورنیو ته برښنا رسوي.

نوموړي وویل چې د دې بند چارې د ٥ کلونو په موده کې بشپړې شوي دي.

افغان حکومت تر دې وړاندې د کمال خان په ګډون یو شمېر نور بندونه هم ګټې اخېستنې ته سپارلي دي.

افغانستان د برښنا تولیدولو او اوبو زېرمه کولو لپاره د بندونو جوړولو مناسب طبیعي شرایط لري، خو د اوبو د نه مدیریت له امله د دغه هېواد نږدې اویا سلنه اوبه ګاونډیو هېوادونو ته بهېږي.

روسیه کې د امریکا سفیر سولیوان روانه اوونۍ مسکو ته ستنیږي

په روسیه کې د امریکا سفیر جان سولیوان

ټاکل شوې چې په روسیه کې د امریکا سفیر جان سولیوان په روانه اوونۍ کې بېرته مسکو ته ستون شي.

سولیوان نژدې دوه میاشتې مخکې وروسته له هغه له مسکو څخه ووت چې د متحدو ایالاتونو او روسیې په اړیکو کې کړکېچ زیات شو.

د امریکا د بهرنیو چارو وزارت ویاند نېډ پرانیس پرون دوشنبه (د غبرګولي ۳۱مه) وویل، سولیوان ځکه مسکو ته ستنېږي چې امریکا غواړي د روسیې له حکومت سره د تماس چینلونه پرانیستي وساتي، څو هم د امریکا ګټې خوندي شي او هم له روسیې سره په اړیکو کې کړکېچ ګواښ راکم شي.

له دې مخکې په متحدوایالاتونو کې د روسیې سفیر اناتولي انتونوف هم د جون په شلمه نېټه واشنګټن ته ستون شوی و.

۲۰۵ اتل قول اردو: افغان ځواکونه د ارزګان د چورې له پوځي اډې ووتل

ارشیف، افغان ځواکونه

د ارزګان چارواکو د چورې ولسوالۍ له یوازینۍ پوځي اډې څخه د افغان ځواکونو د وتلو خبر ورکړی چې له دې سره د راپورونو له مخې دا ولسوالۍ عملاً د طالبانو لاسته لوېدلې.

په جنوب کې ۲۰۵ اتل قول اردو په یوه بیان کې ویلي چې د نظامي شورا د پرېکړې له مخې د ملکي او پوځي تلفاتو د مخنیوي لپاره یې دا اډه تخلیه کړې ده او پرسونل او تجهیزات یې له چورې ولسوالی څخه ترینکوټ ته انتقال شوي.

خبرپاڼه زیاتوي چې دې اډې د امنیت په ټینګښت کې کوم موثریت نه لاره.

د چورې ولسوالي له شااوخوا دوو اونیو راهیسي طالبانو محاصره کړي وه. پرون له دې مخکې د دې ولایت خاص ارزګان ولسوالۍ هم سقوط وکړ.

په روانه میاشت کې دا د ارزګان څلورمه ولسوالۍ ده چې د طالبانو لاسته لویږي او اوس د دې ولایت یوازې دوه ولسوالۍ- دهراود او چهارچیني پاتې دي چې هلته هم یوازې یو-یو کمپ د دولتي ځواکونو په ولکه کې دی.

هاخوا ناتایید شوي راپورونه وايي چې طالبانو د کندز ولایت علي اباد ولسوالۍ هم نیولې ده.

سیمه ییزو چارواکو په دې اړه د معلوماتو لپاره د ازادي راډیو تماسونو ته ځواب ونه وایه، خو د کندز د ولایتي شورا یوه غړي امرالدین ولي ازادي راډیو ته وویل چې د علي اباد ولسوالۍ د سقوط خبر سم دی.

وسله والو طالبانو په دې اړه څه نه دي ویلي.

ملي اردو: افغان پوځیانو بېرته د بلخ ولسوالي په خپل کنټرول کې راوسته

ارشیف، افغان ځواکونه د عملیاتو پر مهال

د افغانستان په شمال کې د ملي اردو چارواکو ویلي چې افغان پوځیانو بېرته د بلخ ولسوالي په خپل کنټرول کې راوسته.

د بلخ ولایت په بلخ ولسوالۍ باندې پرون دوشنبه (د غبرګولي ۳۱مه) د سختو نښتو راپورونه ورکړل شوي وو او طالبانو ادعا کړې وه چې دا ولسوالي یې نیولې.

په شمال کې د ۲۰۹ شاهین قول اردو ویاند حنیف رضايي ازادي راډیو ته په یوه پیغام کې وویل: "د بلخ ولسوالي هم بېرته د افغان پوځیانو کنټرول کې راغله. د لومړنیو راپورونو له مخې د افغان کمانډویانو او طالبانو په نښتو کې ۳۱ طالبان وژل شوي دي."

رضايي نه دي ویلي چې افغان پوځیانو ته څومره مرګژوبله اوښتې؟

هاخوا طالبانو پرون ادعا کړې وه چې په بلخ ولسوالۍ سربېره یې د کشنده، دولت اباد او شولګرې ولسوالۍ هم نیولي دي.

طالب جنګیالیو ان د مزارشریف ښار له دروازو سره هم عکسونه اخیستي و چې بېرته دفاع وزارت وویل، د ښار له دروازو طالبان وتښتېدل.

غني: عثمان کاکړ افغانستان کې د پردیو د لاسوهنو سخت مخالفت کاوه

عثمان کاکړ

افغان ولسمشر محمد اشرف غني ویلي، عثمان کاکړ په افغانستان کې د سولې د بهیر د ملاتړ ترڅنګ تل د پردیو د لاسوهنو سخت مخالفت کاوه.

ښاغلي غني دا خبرې د پښتون ملتپال عثمان کاکړ د مړینې په تړاو په یوه اعلامیه کې کړي.

هغه زیاته کړې چې عثمان کاکړ د ظلم پر ضد غږ پورته کړی و او مړینه یې د افغان ولس لپاره لویه ضایعه ده.

عثمان کاکړ د پښتونخوا د عوامي ملي ګوند د بلوچستان ایالتي مشر او د پاکستان پخوانی سناتور و چې د سختو ټپونو له امله څو ورځې د کراچۍ په اغاخان روغتون کې بستر او بلآخره یې پرون دوشنبه (د غبرګولي ۳۱مه) ساه ورکړه.

د عثمان کاکړ زوی خوشال کاکړ د ازادې اروپا مشال راډیو ته ویلي چې پلار یې وژل شوی: " دا مخکې له مخکې پلان شوې کیسه ده. لکه چې لالا 'عثمان کاکړ په عثمان لالا هم مشهوره و' یوه کس نیولی دی او بل پرې په سر وار کړی دی. نو پر لالا باندې یې وار کړی، حمله یې پرې کړې او لالا یې شهید یې کړ."

د عثمان کاکړ په مړینې باندې په افغانستان، پاکستان او د نړۍ په نورو سیمو کې ګڼو مېشتو افغانانو خواشیني ښودلې او د هغه مړینه یې د افغان ملت لپاره یوه لویه ضایعه یاده کړې.

د یوه افغان وګړي د وژنې په قضیه کې ۴ چکي سرتیري تورن ګڼل شوي

ارشیف، یو شمېر چکي سرتیري

څلور چکي سرتیري د یوه افغان وګړي د وژنې په قضیه کې تورن ګڼل شوي دي. چکي رسنیو پرون د رسپېکټ مجلې په حواله په دې اړه راپورونه خپاره کړي.

د راپورونو له مخې د وحیدالله په نوم دغه افغان د ۲۰۱۸ کال په اکتوبر کې د توماش پروخازکا په نوم یو چکی سرتیری په هلمند کې وواژه او دوه نور یې ټپيان کړل.

د رسپېکټ مجلې لیکلي چې تر برید وروسته وحیدالله ځان تسلیم کړ او د امریکایي، چکي او افغان پوځیانو له خوا په تحقیقاتو کې سخت ووهل شو چې لږ وروسته یې په روغتون کې یې ساه ورکړه.

دوه چکي سرتیري په تاوتریخجنو ګواښونو او بې اطاعتۍ تورن شوي او دوه نور هم له دندې په سرغړونې باندې.

د چک د برنو ښار یوه څارنوال هاینک اولما فرانس پرېس ته ویلي چې دا جنایي قضیه څېړي.

د چک جمهوریت پوځیان د ناټو په چوکاټ کې افغانستان ته تللي وو

سپینه ماڼۍ: بایډن د ایران له نوي مشرتابه سره د لیدنې پروګرام نه لري

د امریکا ولسمشر جوبایډن

د امریکا ولسمشر د ایران له نوي مشرتابه سره د لیدنې کوم پروګرام نه لري.

دا خبره د سپېنې ماڼۍ ویاندې جین ساکي بېګا د ایران د نوي منتخب جمهور رییس ابراهیم رئیسي د خبرو په غبرګون کې وکړه چې ویلي یې و له جو بایډن سره نه ګوري.

مېرمن ساکي زیاته کړې، د امریکا د جمهور رییس او دولت له نظره د اټمي چارو په اړه وروستۍ پرېکړه د ایران د رهبر په لاس کې ده، نو ځکه هم ولسمشر بایډن د ایران له نویو مشرانو سره د لیدنې کوم پروګرام نه لري.

د ایران نوي منتخب جمهور رییس ابراهیم رئیسي پرون دوشنبه (د غبرګولي ۳۱مه) لومړی مطبوعاتي کنفرانس ورکړ او ویې ویل، د اټمي خبرو ملاتړ کوي، خو هغه خبرې چې د ایران ملي ګټې په کې تضمین وي.
هغه وویل، که له ایرانه ټول بندیزونه لېرې هم شي بیا هم دی له بایډن سره نه ګوري.
۶۰ کلن رئیسي د قضایه قوې مشر پاتې شوی او د ایران رهبر ایت الله علي خامنه اي ته چې د دغه هېواد تر ټولو مهمې پرېکړې یې په لاس کې دي له نږدې او باوري کسانو څخه دی.

په ویانا کې د ایران او د اټمي تړون لاسلیکوونکو هېوادونو تر منځ د ۲۰۱۵ میلادي کال د اټمي تړون د احیا په سر شپږم دور خبرې وړمه ورځ پای ته رسېدلي او مرکچیانو ویلي د هوکړې د بشپړولو په لټه کې دي.

د تاجیکستان سترې محکمې ۳ پولیس افسران په اوږده حبس محکوم کړل

د تاجیکستان ستره محکمه

د تاجیکستان سترې محکمې د دغه هېواد درې پولیس افسران د یوه کس د شکنجې په تور په اوږده حبس محکوم کړل.

د تاجیکستان یوه مدني اییتلاف دا خبره پرون دوشنبه (د غبرګوي ۳۱مه) رسنیو ته کړې ده.

د پولیسو دا افسران شیرعلي عزیزوف، سعدي دولت مرادزاده او ایرج نعیموف نومېږي.

دوی تورن شوي چې د حسن یادګاروف په نوم یو تاجکی وګړی یې د تاجیکستان په لویدیځ کې شکنجه کړی دی.

د پولیسو افسران له لسو تر دیارلسو کلونو په بند محکوم شوي دي.

فوټبال؛ ډنمارک، اتریش او بلجیم د ۱۶ غوره لوبډلو پړاو ته ووتل

د ډنمارک د فوټبال لوبډله

د اروپا د فوټبال جام په سیالیو کې د دوشنبې په ماښام څلور لوبې وشوې. بلجیم دوه صفر فنلنډ مات کړ.

هالنډ په درېیو ګولونو شمالي مقدونیه ماته کړه، اتریش یو سفر اوکراین له مخې لېرې کړ او ډنمارک روسیې ته څلور د یو په مقابل کې ماته ورکړه.

د نن شپې په لوبو سره ډنمارک، اتریش او بلجیم د پري کوارټر فاینل یا د ۱۶ غوره لوبډلو پړاو ته ووتل.

د ایټالیا،وېلز او هالنډ ټیمونه لا وختي دې پړاو ته لار موندلې.

د اروپا د فوټبال جام سیالۍ د جون په ۱۱مه پيل شوي او د جولای تر ۱۱مې دوام کوي.

د اشرف غني مشورتي ناسته؛ 'سوله د افغانستان دولت لومړیتوب دی'

د افغان ولسمشر محمد اشرف غني په مشرۍ د هېواد له یو شمېر سیاسي او جهادي مشرانو سره مشورتي غونډه

د افغان ولسمشر اشرف غني په مشرۍ د هېواد له یو شمېر سیاسي او جهادي مشرانو سره په هغه مشورتي غونډه کې چې نن په ارګ کې جوړه شوې وه، ټینګار وشو چې د سولې پروسه د افغانستان د دولت لومړیتوب دی او مخ په وړاندې ګامونه به‌یې د تفاهم او اجماع په رڼا کې اخیستل کېږي.

په دې اړه د ولسمشرۍ په ټویټرپاڼه کې ویل شوي چې په دې غونډه کې د امریکا متحده ایالاتو ته د افغان ولسمشر او مل پلاوي د سفر په اړه هم مشوره وشوه او هغه مهم وبلل شو.

د امریکا ولسمشر جو بایډن افغان ولسمشر اشرف غني او د افغانستان د ملي مصالحې عالي شورا رئیس عبدالله عبدالله ته واشنګټن ته د ورتلو بلنه ورکړې. د سپینۍ ماڼۍ د خبرپاڼې له مخې دغه کتنه به د راروانې جمعې په ورځ ترسره شي.

ښاغلي عبدالله د ولسمشر بایډن د دې بلنې هرکلی کړی دی.

عبدالله د دې شورا په ټویټرپاڼه کې ویلي چې دې د امریکا او افغانستان د اړیکو او په افغانستان کې د عادلانه او تلپاتې سولې د رامنځته کېدو په اړه رغنیزو غونډو او بحثونو ته سترګې په لاره دی.

سپینې ماڼۍ په خپره کړې خبرپاڼه کې له افغانستان سره د خپلو ډیپلوماتیکو، اقتصادي او بشري همکاریو ډاډ ورکړی او هم‌‌یې ټینګار کړی چې افغانان باید د جګړې د ختمولو په هدف با مفهومه خبرې وکړي.

په خبرپاڼه کې دغه‌راز ویل شوي چې متحده ایالات به د سولې د روانې پروسې بشپړ ملاتړ ته دوام ورکړي.

ولسمشر بایډن افغان ولسمشر غني او د ملي مصالحې عالي شورا مشر عبدالله داسې مهال سپینې ماڼۍ ته وربولي چې د پرېکړې له مخې یې له افغانستانه د امریکایي ځواکونو د ایستلو بهیر ګړندی پر مخ ځي.

بایډن ویلي چې د روان کال د سپټمبر تر ۱۱مې به دغه بهیر بشپړ شي، خو یو شمېر امریکایي چارواکو ویلي چې ښایي دغه بهیر تر ټاکلي وخت مخکې یعنې د راتلونکې جولای میاشتې تر نیمایي بشپړ شي.

له کله چې دغه بهیر د مې له میاشتې راهیسې پیل شوی، وسله‌والو طالبانو په افغانستان کې حملې زیاتې کړې دي.

اروپایي ټولنې د بلاروس پر ځینو چارواکو او ادارو نوي بندیزونه تصویب کړل

د اروپايي ټولنې بیرغونه

د اروپایي ټولنې د بهرنیو چارو وزیرانو د الکساندر لوکاشینکا د کورنۍ د غړو په ګډون د بلاروس پر یو شمېر چارواکو او ادارو نوي بندیزونه تصویب کړل.

په دغو بندیزونو چې نن به د اروپایي ټولنې په رسمي ژورنال کې خپاره شي، د پارلمان د غړو، څارنوالانو، قاضیانو او نورو چارواکو په ګډون ۷۱ افراد او ادارې په نښه شوې دي.

اروپایي ټولنې دغه افراد او ادارې پر مدني ټولنې او ډیموکراتیک اپوزېسیون د فشارونو د راوستو په ګډون له بشري حقونو څخه په سرغړونو او د قانون د واکمنۍ پر کمزوري کولو تورن کړي دي.

په دغو افرادو کې د لوکاشینکا زوی او یوه نګور هم شامل دي.

د دغو نویو بندیزونو له مخې به د اروپایي ټولنې د غړو هېوادونو په بانکونو د په نښه شویو افرادو او ادارو شتمنۍ کنګل کېږي او پر سفر به‌یې بندیز لګول کېږي.

د بلاروس پر خلاف دغه اقدامات د مېنسک له‌خوا د راین ایر هوایي شرکت د یوې الوتکې د جبري کېنولو او د اپوزېسیون د یوه فعال رامان پراتاسیویچ د نیولو په عکس‌العمل کې کېږي.

نور راوښيه

XS
SM
MD
LG