د پېښور په روغتون کې خلک د خپلو ماشومانو تابوتونو ته اوښکې بهوي
ناڅرګندو وسله والو نن غرمه په پېښور کې پر یو ښوونځي برید کړی چې د رسنیو په وینا تر اوسه ۱۳۲ تنه په کې وژل شوي دي، چې سل تنه په کې د دغه ښوونځي (ارمي پبلیک سکول) زده کوونکي دي. ګڼ شمېر خلک د پېښور لیډي رېډنګ روغتون ته په دې هیله راغلي؛ چې ګواکې ماشوم یې ژوندی وي، خو د ځینو دا هیله په ناهیلۍ بدلیږي. د تحريک طالبان پاکستان وياند محمد خراساني مشال راډيو ته په ټليفونې خبرو کې ومنله چې برید د دوی ملګرو کړی دی.