د چک د کډوالو کمپ تر زندان بد وضعيت لري

د ملګرو ملتونو د بشري حقونو دفتر، د چک جمهوريت د کډوالو د ساتنې د يوه مرکز وضعيت غنلدى دى. د چک د عدليې وزير وايي د دې مرکز وضعيت تر زندان هم بدتره دى. هغه کسان چې په دغه توقيفځاى کې ساتل کېږي اړ دي، چې د ورځې لس ډالره له جېبه ورکړي. هغه کورنۍ چې په دې ځاى کې بندې ساتل کېږي وسلوال ساتونکي ورباندې پهره کوي. د چک جمهوري چارواکي د انتقادونو په ځواب کې وايي دوى د نړيوالو قوانينو سره سم خپله دنده ترسره کوي. د ازادۍ راډيو خبريال رې فرلونګ او کامره مين رومان کوپکا دغه مرکز ته ورغلي دغه ويډيويي راپور يې برابر کړى، صالح محمد صالح یې جزيیات وړاندې کوي