په کابل کې انتحاري حملې ٣ کسان وژلي او ۲۱ ټپیان کړي
د کابل امنیتي مسولین وایي چې په نننۍ انتحاري حمله کې درې کسان وژل شوي او د بهرنیو په ګډون یوویشت نور ټپیان شوي دي. حمله سهار نهه بجې د حامد کرزي نړېوال هوایي ډګر ته څېرمه د هوا پیژندنې پرسړک د اروپایي پولیسو د موټرو پر کاروان شوې ده. د اروپايي اتحادیې پولیسو ویلي چې د دوی دوه موټرې د پېښې په ځای کې وو. عیني شاهدان وايي چې چاودنه ډير درنه وه او سخت تلفات یې اړولي. ویډیو اخیستونکی: تمیم اخګر اېډیټ: حمید مهمند