د ناټو چارواکي هیله من دي چې د افغان سولې لپاره هڅې نتیجه ورکړي او وایي چې دا سازمان هم د امنیت او سولې په تامین کې د افغان دولت ملاتړته دوام ورکوي.
د ښځو، امنیت او سولې په برخه کې د دغه سازمان استازې مریوت شورمن له ازادۍ راډیوسره په ځانګړي مرکه کې وویل چې دوی د افغان پوځیانو د روزنې له لارې د امنیت په تامین کې همکاري کوي او له هغو هڅو ملاتړ کوي چې د سولې په برخه کې روانې دي.
له اغلې شورمن سره صفي الله ستانکزي مرکه کړې او په سرکې یې ورنه پوښتنه کړې چې د سولې روانې هڅې څنګه ارزوي او ناټو څه ډول همکاري کوي؟