رحیمي:د مځکې مدیریت په افغانستان کې د بحران سره مخ دی

د افغانستان د وزیرانو شورا په وروستۍ غونډه کې د مځکې د ادارې په نوم یوه نوې اداره تصویب او جوړه شوه، دغه اداره د افغانستان د کرنې او مالدارۍ وزارت په چوکاټ کې کار کوي.

د افغانستان د کرنې او مالدارۍ وزیر وايي، چې د دې ادارې دنده د غصب شوو مځکو پر سر جنجالونه، د کرنېزې پراختیا لپاره مځکې ځانګړي کول او د مځکو د غصب د مخنیوي لپاره به دغه اداره کار کوي.

د افغانستان د کرنې وزیر محمد اصف رحیمي له ازادۍ راډیو سره په ځانګړې مرکه کې، له طبیعي پېښو سره د مبارزې د ملي ادارې د چارواکو دا خبره ناسمه بولي چې ګواکې افغانستان به سږ کال سخت ژمی ولري او د غلو دانو له کمښت سره به مخ شي.

په کابل کې زموږ همکار معصوم میوند له ښاغلي رحیمي سره مرکه کړې چې دا مرکه د پاڼې په کیڼ اړخ کې د(ږغ) له برخې اورېدلی شي.