د ځوانانو لپاره د ازادۍ راډیو اونیزه خپرونه

شطرنج څنګه لوبه ده او لدې لوبې سره د افغان ځوانانو لېوالتيا څومره ده د دې پوښتنو ځوابونه به د خپرونې په لومړۍ برخه كې واورئ.
شطرنج هغه دوه كسيزه ذهني لوبه ده چې نن سبا په ټوله نړۍ كې ترسره كېږي او ګڼ مينه وال لري.
د شطرنج يا چترنګ لوبې د پيدايښت په اړه ډېر روايتونه شته، ويل كېږي شطرنج له نن څخه ۲۵۰۰ كاله مخكې په هندوستان كې سيسابن دهير ابداع كړ. د دې لوبې له اختراع نه مقصد دا وو چې د جګړو د ميدان او نظامي تكتيكونو ښودنه وشي.

په اتمه ميلادي پېړۍ كې شطرنج د عربو په ذريعه اسپانيا ته ولېږديد او له هغه ځايه اروپا او ورو ورو ټولې نړۍ ته خپور شو.

بيا په افغانستان كې د انټرنټي خدمتونو د زياتېدو په اړه رپوټ لرو دا به هم واورئ چې څنګه كوى شو انټرنټ كور ته راكاږو.

تر څه موده دمخه په افغانستان كې له انټرنټ نه د استفادې بيه په ساعت شپيته افغانۍ وه خو د مخابراتو او معلوماتي ټكنالوژۍ وزارت وايي چې د نوري فيبر له لارې د افغانستان او پاكستان له وصل كېدو سره اوس دغه بيه لس افغانيو ته په ساعت کې راټيټه شوې ده. نوري فيبر داسې يوه وسيله ده چې د نور له لارې په ډېره چټكۍ اطلاعات لېږدوي او بيه يې د سټلايټ او نورو اطلاعاتي وسيلو په پرتله لږه ده..

د خپرونې په وروستيو كې د اوونۍ د سندرې اورېدل هم له ياده مه باسئ.

تاندې څانګې خپرونه چې په كابل كې يې لينا شريفي جوړوي هره شنبې او دوشنبې خپرېږي.