د افغاني کلتور، دودونو او انګیرنو په اړه او نیز پروګرام

ژوند په شيبو كې به نن لومړى د ساز يوې بادي الې سورني په اړه معلومات اورئ . د ساز دغه محلي اله ځكه سورنى بولي چې د سور په ورځ غږول كېږي ،په دري ژبه كې سور ښادۍ او نى شپيلۍ او كړكي ته وايي ،جوړښت يې مخروط ته ورته دى، د شپيلۍ غوندې ژبۍ لري ، معمولا د توت او شيشم له لرګي څخه رغول كېږي، پخوا به يې د غويواوګاميښو له ښكرو هم رغول. اوس يې پرلرګينو سربېره فلزي هم پيدا كېږي .سورنى اووه يا اته سوري پاس او يو سورى لاندې لري ، اوږدوالى يې ثابت نه دى له ۳۵ تر ۶۰ سانتېو پورې جوړيږي . افغان موسيقاران دغه آله افغاني بولي په چين او ازبكستان كې سورنى په لويو اركسټرونو كې هم غږول كيږي خو په افغانستان كې معمولاد كليوالوپه بانډارونواو مجلسونو كې تر سترګو كېږي ، اركسټرونو ته لا نه دى ورګډ شوى .

د خپرونې دوهم مطلب د ژمي دڅيلو په اړه دى چې ځينې افغانان يې څلويښت او ځينې شپيته ورځې بولي د څيلو په اړه موجودې انګېرنې هم په زړه پورې دي.

دا پروګرام دلته اوریدلی شۍ: