د ټاکنو د کمیسیون مشر هلمند ته ولاړ
10.06.1389
د انتخاباتو د خپلواک کمیسیون ريیس فضل احمد معنوي نن هلمند ولایت سفر وکړ، چې په دې ولایت کې د انتخاباتو لپاره د روانو تیاریو بهیر له نږدې وګوري.
نوموړی په دې لیدنه کې له ولسي خلکو، سیمه ایزو چارواکو قومي مشرانو او د انتخاباتو کاندیدانو ته ډاډ ورکړي، چې هڅه کوي ترڅو په ټول افغانستان کې په شفافه توګه د ولسي جرګې انتخابات ترسره شي.
ټاکل شوې چې د وږي میاشتې په اوه ویشتمه نیټه د ولسي جرګې انتخابات ترسره شي، چې په هلمند ولایت کې به د دې انتخاباتو لپاره یو سلو اوه دېرش د رایې اچونې مرکزونه پرانیستل شي.
د انتخاباتو د خپلواک کمیسیون مشر له تیرو دوه میاشتو راهیسې بیلا بیلو ولایتونو ته سفرونه پیل کړي او ویل کیږي، چې دې کمیسیون په ټولو ولایتونو کې د ولسی جرګې د انتخاباتو لپاره بشپړ تیاري نیولې ده.