د کورنیو چارو وزارت ۲۵ ټنه چاودیدونکي مواد نیولي
07.06.1389
د کورنیو چارو وزارت وایي چې، په اسد یا زمري میاشت کې د افغانستان په بېلا بېلو برخو کې څه باندې پنځه ویشت ټنه چاودیدونکي او مخدره مواد نیولي دي.
د دې وزارت ویاند زمري بشري نن په کابل کې د نړېوالو سوله ساتو ځواکونو له ویاند سره په یوه ګډ خبري کنفرانس کې وویل چې اولس ټنه چاودیدونکي مواد، نږدې درې نیم سوه کړۍ ماینونه ، څه باندې دوه نیم ټنه مخدره او له شپږ نیمو ټنه څخه زیات کیمیاوي مواد پولیسو ته په لاس ورغلي دي.
ښاغلي بشری دغه راز وویل چې په اسد یا زمري میاشت کې د سرطان یا چنګاښ میاشتې په مقایسه په افغانستان کې په جنایي جرمونو کې څوارلس او په تروریستي فعالیتونو کې په سلو کې درویشت کموالی راغلی دی.