په لغمان کې د طالبانو یو قومندان وژل شوی
04.06.1389
د لغمان چارواکي وايي چې په دغه ولایت کې د افغان او نړېوالو ځواکونو په ګډو عملیاتو کې د وسلوالو طالبانو یو قومندان له دوو ملګرو سره وژل شوي.
د لغمان ولایت د والي ویاند ګل رحمان همدرد ازادۍ راډیو ته وویل، چې دغه عملیات په علي شنګ ولسوالۍ کې شوي او د وژل شوو کسانو تر څنګ دوه نور نیول شوي چي ېو یې پاکستانی دی.
د یو بل خبر له مخې د زابل د والي ویاند محمد جان رسولیار ازادۍ راډیو ته وویل، 206 میله وسلې چې له غزني څخه هرات ولایت ته وړل کېدې پولیسو په دغه ولایت کې له یوه کس سره نیول شوي.