افغان میرمې په هېواد کې د سنګسار په اړه اندېښنه لري
31.05.1389
دافغانستان ښځو پورې مربوط پنځوس فیصده کمپاین ولسمشر کرزي ته د لیک په استولو سره په دې هیواد کې د ښځو د سنګسار د نویو مواردو له امله اندیښنه څرګنده ګړې ده.
دغه ارګان چې دافغانو ښځو نظرونو ته انعکاس ورکوي او په ټولنیزه برخه کې د فعالو ښځو له خوا جوړ شوی جمهوررییس ته په خپل سرخلاصي لیک کې غوښتنه کړې چې د هغو پیښومخه دې ونیول شي چې د ښځو پر ژوند منفي اغیزه کوي.
په دې لیک کې له ولسمشر کرزي نه دا غوښتنه هم شوې چې له وسله والو طالبانو سره په خبرو کې د ښځو حقونه په پام کې ونیسي.
وسله والوطالبانو په کندز او بادغیس کې د نامشروع جنسي اړیکو د لرلو په تور یو نارینه او دوه ښځې سنګسار کړي، د طالبانو دې کار د بشري حقونود ډیرو سازمانونواندیښنې را پارولي دي.