د سوماليې سمندري غلو بیا هم د یوې بېړۍ د خوشې کولو په بدل کې پیسې ترلاسه کړې

دسومالیا سمندري غلو نن دیوې تښتول شوې یوناني بیړۍ او دهغې دنولسو عملی دخوشي کولو په مقابل کې چې سی شیل جزایروته یې نژدې برمته ساتلی وه پیسې ترلاسه کړې .

په سیمی کې داوروپایي اتحادیي سمندری استازو وویل دفدیی دغورځولو عملیه په بریالیتوب ترسره شوه .

په تیرو دوو ورځو کې دادوهم ځل دی چې سومالیا يي سمندري غلو ته فدیه ورکول کیږي او له دې ښکاری چې حکومتونه او کمپنۍ له سمندري غلو څخه دخپلو خلکو او بیړیو دخلاصولو لپاره له سخت حالت سره مخ دي .

خودا معلومه نه ده چې په دغو دواړو مواردو کې غلو ته څومره پیسې ورکول شوي دي .